Read nynorsk 1978 Josva 16 Bible Online

Josva 16 - nynorsk 1978 bible

Josva 16

¹Den delen av landet som fall på Josefs-sønene, tok til bortmed Jordan-elva, der ho renn framom Jeriko. Grensa gjekk austanfor Jeriko-kjelda, gjennom øydemarka som frå Jeriko stig opp i fjellet til Betel.

²Frå Betel heldt ho fram til Lus og så gjennom arkittlandet til Atarot. [16]

³Der tok ho vestover til jafletittlandet, heldt fram til Nedre Bet-Horon og Geser og enda utmed havet. [17]

⁴Dette landet var det Josefs-sønene, Manasse og Efraim, fekk til odel og eige.

⁵Såleis låg det til, det landet som Efraims-sønene og ættgreinene deira fekk: I aust gjekk landegrensa deira frammed Atrot-Adar, heldt fram til Øvre Bet-Horon

⁶og enda utmed havet. I nord gjekk grensa ved Mikmetat; så svinga ho austover til Ta’anat-Sjilo og heldt fram mot aust til Janoah.

⁷Frå Janoah gjekk ho ned til Atarot og Na’ara og beint framom Jeriko til Jordan.

⁸Frå Tappuah gjekk grensa vestover til Kana-bekken og enda utmed havet. Dette var den delen av landet som Efraims-sønene og ættgreinene deira fekk.

⁹Og attåt det fekk dei alle byane og landsbyane som vart utskilde åt dei i det landet som høyrde Manasse-sønene til.

¹⁰Men dei dreiv ikkje ut dei kanaanearane som budde i Geser. Kanaanearane vart buande i Efraim, som dei gjer den dag i dag. Men dei laut gjera tvangsarbeid.