Read nynorsk 1978 Titus 2 Bible Online

Titus 2 - nynorsk 1978 bible

Titus 2

¹Men du skal tala i samsvar med den sunne læra:

²Eldre menn skal vera edruelege, fara verdig og visleg fram, vera heile både i tru, kjærleik og tolmod.

³Like eins skal eldre kvinner bera seg åt som det sømer seg for heilage. Dei skal ikkje fara med baktale eller liggja under for drikk, men vera rettleiarar i det gode,

⁴så dei kan læra dei unge kvinnene å elska mann og born,

⁵leva sømeleg og reint, vera gode husmødrer og underordna seg mennene sine, så Guds ord ikkje skal verta spotta.

⁶Dei unge mennene skal du formana til å vera støe i all si ferd.

⁷Ver sjølv eit føredøme for dei i gode gjerningar! Lat læra vera uforfalska, og ber henne fram med alvor!

⁸Då vert forkynninga di sunn og ulastande, og kvar motstandar må skjemmast fordi han ikkje har noko vondt å seia om oss.

⁹Trælane skal vera lydige mot herrane sine i alt, og retta seg etter dei utan å seia imot.

¹⁰Dei må ikkje stikka noko til sides, men alltid vera ærlege og true, så dei i eitt og alt kan vera til prydnad for Guds, vår frelsars lære.

¹¹For Guds nåde er openberra til frelse for alle menneske.

¹²Og hans nåde oppsedar oss til å seia nei til gudløyse og verdslege lyster og leva i sjølvtukt, rettferd og gudsfrykt i den verda som no er,

¹³medan vi ventar på at vona vår skal få si sæle oppfylling, og at vår store Gud og frelsar Kristus Jesus skal koma til synes i herlegdom.

¹⁴For Kristus gav seg sjølv for oss. Han ville fria oss ut frå all urettferd og reinsa oss, så vi kan vera hans eige folk, som med ihuge gjer gode gjerningar.

¹⁵Dette skal du forkynna, og med kraft skal du påminna og visa til rettes. Lat ingen sjå ned på deg!