Read nynorsk 2011 1. Mosebok 36 Bible Online

1. Mosebok 36 - nynorsk 2011 bible

1. Mosebok 36

¹Dette er slektshistoria til Esau, det vil seia Edom.

²[154] Esau tok seg koner mellom Kanaans døtrer: Ada, dotter til hetitten Elon, Oholibama, dotter til Ana, som var son til hevitten Sibon,

³og Basmat, dotter til Ismael, syster til Nebajot.

⁴Ada fødde Esau sonen Elifas, og Basmat fødde Re'uel;

⁵Oholibama fødde Je'usj, Jalam og Korah. Dette var dei sønene som Esau fekk i Kanaan.

⁶Esau tok konene sine, sønene og døtrene sine og heile huslyden sin, buskapen, alle husdyra sine og alle eigedelane han hadde samla seg i Kanaan, og drog til eit land borte frå Jakob, bror sin.

⁷For dei eigde for mykje til å kunna bu saman. Landet der dei budde som innflyttarar, kunne ikkje fø dei, så stor var buskapen deira.

⁸Esau slo seg då ned i Se'ir-fjella. Esau, det er Edom.

⁹Dette er slektshistoria til Esau, stamfar til edomittane i fjellandet Se'ir.

¹⁰Dette er namna på sønene til Esau: Elifas, son til Ada, kona åt Esau, og Re'uel, son til Basmat, kona åt Esau.

¹¹Sønene til Elifas var Teman, Omar, Sefo, Gatam og Kenas.

¹²Elifas, son til Esau, hadde ei følgjekone som heitte Timna, og ho fødde han Amalek. Dette var etterkomarane av Ada, kona til Esau.

¹³Og dette er sønene til Re'uel: Nahat, Serah, Sjamma og Missa. Dette var etterkomarane av Basmat, kona til Esau.

¹⁴Og dette er sønene Esau fekk med kona si Oholibama, dotter til Ana, son åt Sibon: Je'usj, Jalam og Korah.

¹⁵Dette er stammehovdingane i ætta til Esau: Sønene til Elifas, den førstefødde sonen til Esau, var hovdingane Teman, Omar, Sefo, Kenas,

¹⁶Korah, Gatam og Amalek. Det er dei hovdingane som stammar frå Elifas i Edom. Dei er etterkomarar av Ada.

¹⁷Og dette er sønene til Re'uel, son åt Esau: hovdingane Nahat, Serah, Sjamma og Missa. Det er dei hovdingane som stammar frå Re'uel i Edom. Dei er etterkomarar av Basmat, kona til Esau.

¹⁸Og dette er sønene til Oholibama, kona åt Esau: hovdingane Je'usj, Jalam og Korah. Det er dei hovdingane som stammar frå Oholibama, dotter til Ana, kona åt Esau.

¹⁹Dette var sønene til Esau, det er Edom, og dei hovdingane som stammar frå dei.

²⁰Dette er sønene til horitten Se'ir, som budde i landet: Lotan, Sjobal, Sibon, Ana,

²¹Disjon, Eser og Disjan. Det er hovdingane til horittane, sønene åt Se'ir i Edom.

²²Sønene til Lotan var Hori og Hemam, og syster hans var Timna.

²³Dette er sønene til Sjobal: Alvan, Manahat, Ebal, Sjefo og Onam.

²⁴Dette er sønene til Sibon: Ajja og Ana. Det er den Ana som fann dei varme kjeldene i ørkenen då han gjette esla til Sibon, far sin.

²⁵Dette er borna til Ana: Disjon og dottera Oholibama.

²⁶Og dette er sønene til Disjon: Hemdan, Esjban, Jitran og Keran.

²⁷Dette er sønene til Eser: Bilhan, Saavan og Akan.

²⁸Og dette er sønene til Disjan: Us og Aran.

²⁹Dette er stammehovdingane til horittane: hovdingane Lotan, Sjobal, Sibon, Ana,

³⁰Disjon, Eser og Disjan. Dette var hovdingane til horittane i Se'ir, hovding for hovding.

³¹Dette er dei kongane som rådde i Edom før det var nokon konge over Israel:

³²Bela, son til Beor, var konge i Edom, og byen hans heitte Dinhaba.

³³Då Bela døydde, vart Jobab, son til Serah frå Bosra, konge etter han.

³⁴Då Jobab døydde, vart Husjam frå Teman konge etter han.

³⁵Då Husjam døydde, vart Hadad, son til Bedad, konge etter han. Det var han som slo midjanittane på slettelandet i Moab. Byen hans heitte Avit.

³⁶Då Hadad døydde, vart Samla frå Masreka konge etter han.

³⁷Då Samla døydde, vart Saul frå Rehobot ved elva konge etter han.

³⁸Då Saul døydde, vart Baal-Hanan, son til Akbor, konge etter han.

³⁹Då Baal-Hanan, son til Akbor, døydde, vart Hadar konge etter han. Byen hans heitte Pa'u, og kona hans heitte Mehetabel. Ho var dotter til Matred, dotter til Mesahab.

⁴⁰Dette er namna på stammehovdingane til Esau, nemnde etter slekt, bustad og namn: hovdingane Timna, Alva, Jetet,

⁴¹Oholibama, Ela, Pinon,

⁴²Kenas, Teman, Mibsar,

⁴³Magdiel og Iram. Dette var hovdingane i Edom etter bustad i det landet dei eigde. Edom er Esau, stamfar til edomittane.