Read nynorsk 2011 1. Mosebok 5 Bible Online

1. Mosebok 5 - nynorsk 2011 bible

1. Mosebok 5

¹Dette er boka om Adams slektshistorie. Den dagen Gud skapte mennesket, gjorde han det slik at det likna Gud.

²Som mann og kvinne skapte han dei. Og han velsigna dei og kalla dei menneske den dagen dei vart skapte.

³Då Adam var 130 år, fekk han ein son som likna han og var som hans eige bilete, og han kalla han Set.

⁴Etter at Adam hadde fått Set, levde han endå 800 år og fekk søner og døtrer.

⁵Adam levde i 930 samfulle år. Så døydde han.

⁶Då Set var 105 år, fekk han sonen Enosj.

⁷Etter at Set hadde fått Enosj, levde han endå 807 år og fekk søner og døtrer.

⁸Set levde i 912 samfulle år. Så døydde han.

⁹Då Enosj var 90 år, fekk han sonen Kenan.

¹⁰Etter at Enosj hadde fått Kenan, levde han endå 815 år og fekk søner og døtrer.

¹¹Enosj levde i 905 samfulle år. Så døydde han.

¹²Då Kenan var 70 år, fekk han sonen Mahalalel.

¹³Etter at Kenan hadde fått Mahalalel, levde han endå 840 år og fekk søner og døtrer.

¹⁴Kenan levde i 910 samfulle år. Så døydde han.

¹⁵Då Mahalalel var 65 år, fekk han sonen Jared.

¹⁶Etter at Mahalalel hadde fått Jared, levde han endå 830 år og fekk søner og døtrer.

¹⁷Mahalalel levde i 895 samfulle år. Så døydde han.

¹⁸Då Jared var 162 år, fekk han sonen Henok.

¹⁹Etter at Jared hadde fått Henok, levde han endå 800 år og fekk søner og døtrer.

²⁰Jared levde i 962 samfulle år. Så døydde han.

²¹Då Henok var 65 år, fekk han sonen Metusjalah.

²²Henok vandra med Gud i 300 år etter at han hadde fått Metusjalah, og han fekk søner og døtrer.

²³Henok levde i 365 samfulle år.

²⁴Henok vandra med Gud. Så var han ikkje meir, for Gud tok han til seg.

²⁵Då Metusjalah var 187 år, fekk han sonen Lamek.

²⁶Etter at Metusjalah hadde fått Lamek, levde han endå 782 år og fekk søner og døtrer.

²⁷Metusjalah levde i 969 samfulle år. Så døydde han.

²⁸Då Lamek var 182 år, fekk han ein son.

²⁹[24] Han kalla han Noah og sa: «Han skal trøysta oss i vårt arbeid og i våre henders strev på den jorda som HERREN har forbanna.»

³⁰Etter at Lamek hadde fått Noah, levde han endå 595 år og fekk søner og døtrer.

³¹Lamek levde i 777 samfulle år. Så døydde han.

³²Då Noah var 500 år, fekk han sønene Sem, Ham og Jafet.