Read nynorsk 2011 1. Krønikebok 25 Bible Online

1. Krønikebok 25 - nynorsk 2011 bible

1. Krønikebok 25

¹David og hærførarane skilde ut sønene til Asaf, Heman og Jedutun for tempeltenesta. Dei var profetar som spela på lyre, harpe og symbalar. Dette er lista over dei mennene som stod for denne tenesta:

²av Asaf-sønene: Sakkur, Josef, Netanja og Asarela, sønene til Asaf, under leiing av Asaf, som profeterte på oppdrag frå kongen;

³av Jedutun, det vil seia sønene til Jedutun: Gedalja, Seri, Jesaja, Hasjabja og Mattitja, seks i alt, under leiing av Jedutun, far deira, som profeterte til HERRENS lov og pris på lyre;

⁴av Heman, det vil seia sønene til Heman: Bukkia, Mattanja, Ussiel, Sjubael, Jerimot, Hananja, Hanani, Eliata, Giddalti, Romamti-Eser, Josjbekasja, Malloti, Hotir og Mahasiot.

⁵Alle var dei søner av Heman, sjåaren til kongen. Han hadde Gud lova stor kraft. Difor gav han Heman fjorten søner og tre døtrer.

⁶Alle desse stod under leiing av far sin når dei song ved gudstenesta i HERRENS hus til tonane frå symbalar, harper og lyrer. Asaf, Jedutun og Heman stod under leiing av kongen.

⁷Talet på dei og brørne deira som var opplærte til å syngja for HERREN, var 288, dugande songarar alle saman.

⁸Dei kasta lodd om vaktordninga etter prinsippet «liten som stor, meisteren som læresveinen».

⁹Det første loddet fall på Josef av Asaf-slekta; det andre på Gedalja, han sjølv og brørne og sønene hans, tolv i alt;

¹⁰det tredje på Sakkur med søner og brør, tolv i alt;

¹¹det fjerde fall på Jisri med søner og brør, tolv i alt;

¹²det femte på Netanja med søner og brør, tolv i alt;

¹³det sjette på Bukkia med søner og brør, tolv i alt;

¹⁴det sjuande på Jesarela med søner og brør, tolv i alt;

¹⁵det åttande fall på Jesaja med søner og brør, tolv i alt;

¹⁶det niande på Mattanja med søner og brør, tolv i alt;

¹⁷det tiande på Sjimi med søner og brør, tolv i alt;

¹⁸det ellevte på Asarel med søner og brør, tolv i alt;

¹⁹det tolvte fall på Hasjabja med søner og brør, tolv i alt;

²⁰det trettande på Sjubael med søner og brør, tolv i alt;

²¹det fjortande på Mattitja med søner og brør, tolv i alt;

²²det femtande på Jeremot med søner og brør, tolv i alt;

²³det sekstande fall på Hananja med søner og brør, tolv i alt;

²⁴det syttande på Josjbekasja med søner og brør, tolv i alt;

²⁵det attande på Hanani med søner og brør, tolv i alt;

²⁶det nittande på Malloti med søner og brør, tolv i alt;

²⁷det tjuande fall på Eliata med søner og brør, tolv i alt;

²⁸det tjueførste på Hotir med søner og brør, tolv i alt;

²⁹det tjueandre på Giddalti med søner og brør, tolv i alt;

³⁰det tjuetredje på Mahasiot med søner og brør, tolv i alt,

³¹og det tjuefjerde loddet fall på Romamti-Eser med søner og brør, tolv i alt.