Read nynorsk 2011 1. Krønikebok 27 Bible Online

1. Krønikebok 27 - nynorsk 2011 bible

1. Krønikebok 27

¹Dette er ei liste over leiarane for familiane til israelittane, tusenmannsførarane og hundremannsførarane og tilsynsmennene som tente kongen i alt det som hadde med hæravdelingane å gjera. Dei avløyste kvarandre månad for månad gjennom heile året. Kvar avdeling var på 24 000 mann.

²Jasjobam, son til Sabdiel, hadde ansvaret for den første avdelinga, som gjorde teneste i den første månaden. Avdelinga hans var på 24 000 mann.

³Han var ein etterkomar av Peres og var overhovud for alle dei hærførarane som gjorde teneste i den første månaden.

⁴Dodai frå Ahoah hadde ansvaret for avdelinga som gjorde teneste i den andre månaden, og Miklot var ein av førarane. Avdelinga hans var på 24 000 mann.

⁵Den tredje hærføraren, som gjorde teneste i den tredje månaden, var Benaja, son til hovudpresten Jojada. Avdelinga hans var på 24 000 mann.

⁶[73] Denne Benaja var ein helt mellom dei tretti og stod over dei. Ammisabad, son hans, var òg med i avdelinga hans.

⁷Den fjerde, som gjorde teneste i den fjerde månaden, var Asael, bror til Joab, og etter han Sebadja, son hans. Avdelinga hans var på 24 000 mann.

⁸Den femte, som gjorde teneste i den femte månaden, var hærføraren Sjamhut, ein av Serah-sønene. Avdelinga hans var på 24 000 mann.

⁹Den sjette, som gjorde teneste i den sjette månaden, var Ira, son til Ikkesj, frå Tekoa. Avdelinga hans var på 24 000 mann.

¹⁰Den sjuande, som gjorde teneste i den sjuande månaden, var Heles frå Pelon, av Efraim-stammen. Avdelinga hans var på 24 000 mann.

¹¹Den åttande, som gjorde teneste i den åttande månaden, var Sibbekai frå Husja, ein av Serah-sønene. Avdelinga hans var på 24 000 mann.

¹²Den niande, som gjorde teneste i den niande månaden, var Abieser frå Anatot, av Benjamin-stammen. Avdelinga hans var på 24 000 mann.

¹³Den tiande, som gjorde teneste i den tiande månaden, var Mahrai frå Netofa, av Serah-sønene. Avdelinga hans var på 24 000 mann.

¹⁴Den ellevte, som gjorde teneste i den ellevte månaden, var Benaja frå Piraton, av Efraim-stammen. Avdelinga hans var på 24 000 mann.

¹⁵Den tolvte, som gjorde teneste i den tolvte månaden, var Heldai frå Netofa, av Otniel-slekta. Avdelinga hans var på 24 000 mann.

¹⁶Overhovuda for stammane i Israel var: for Ruben-stammen Elieser, son til Sikri; for Simon-stammen Sjefatja, son til Maaka;

¹⁷for Levi Hasjabja, son til Kemuel; for Aron Sadok;

¹⁸for Juda Elihu, ein av brørne til David; for Jissakar Omri, son til Mikael;

¹⁹for Sebulon Jisjmaja, son til Obadja; for Naftali Jerimot, son til Asriel;

²⁰for Efraim-sønene Hosea, son til Asasja; for den eine halvparten av Manasse-stammen Joel, son til Pedaja;

²¹for den andre halvparten av Manasse-stammen, den i Gilead, Jiddo, son til Sakarja; for Benjamin Jaasiel, son til Abner;

²²for Dan Asarel, son til Jeroham. Dette var overhovuda for stammane i Israel.

²³David talde ikkje dei som var under tjue år. For HERREN hadde sagt at han ville la israelittane bli talrike som stjernene på himmelen.

²⁴Joab, son til Seruja, tok til å telja, men fullførte ikkje, for det kom vreide over Israel på grunn av dette. Talet vart ikkje oppskrive i krønikeboka til kong David.

²⁵Asmavet, son til Adiel, hadde tilsyn med skattkammera til kongen, og Jonatan, son til Ussia, med skattkammera ute på landet, i byar, landsbyar og festningstårn.

²⁶Esri, son til Kelub, hadde ansvaret for dei som arbeidde på marka og dyrka jorda.

²⁷Sjimi frå Rama hadde ansvaret for vinmarkene og Sabdi frå Sjefam for vinlagera.

²⁸Baal-Hanan frå Geder hadde ansvaret for oliventrea og morbærtrea i låglandet og Joasj for oljelagera.

²⁹Sjitrai frå Saron hadde ansvaret for storfeet som gjekk på beite i Saron, og Sjafat, son til Adlai, for storfeet i dalane.

³⁰Obil frå Ismael hadde ansvaret for kamelane, Jehdeja frå Meronot for eselhoppene

³¹og Jasis, hagritten, for småfeet. Alle desse var forvaltarar over eigedomane til kong David.

³²Jonatan, onkelen til David, var rådgjevar. Han var skrivar og ein forstandig mann. Jehiel, son til Hakmoni, tok seg av kongssønene.

³³Ahitofel var rådgjevaren til kongen, og Husjai av Arak-slekta var venen til kongen.

³⁴Etter Ahitofel kom Jojada, son til Benaja, og Ebjatar. Joab var hærføraren til kongen.