Read nynorsk 2011 1. Krønikebok 6 Bible Online

1. Krønikebok 6 - nynorsk 2011 bible

1. Krønikebok 6

¹Sønene til Levi var Gersjom, Kehat og Merari.

²Sønene til Kehat var Amram, Jishar, Hebron og Ussiel.

³Borna til Amram var Aron, Moses og Mirjam. Og sønene til Aron var Nadab, Abihu, Elasar og Itamar.

⁴Elasar fekk sonen Pinhas, og Pinhas fekk Abisjua;

⁵Abisjua fekk sonen Bukki, og Bukki fekk Ussi;

⁶Ussi fekk sonen Serahja, og Serahja fekk Merajot;

⁷Merajot fekk sonen Amarja, og Amarja fekk Ahitub;

⁸Ahitub fekk sonen Sadok, og Sadok fekk Ahimaas;

⁹Ahimaas fekk sonen Asarja, og Asarja fekk Johanan;

¹⁰Johanan fekk sonen Asarja; det var han som gjorde presteteneste i det tempelet Salomo hadde bygd i Jerusalem.

¹¹Asarja fekk sonen Amarja, og Amarja fekk Ahitub;

¹²Ahitub fekk sonen Sadok, og Sadok fekk Sjallum;

¹³Sjallum fekk sonen Hilkia, og Hilkia fekk Asarja;

¹⁴Asarja fekk sonen Seraja, og Seraja fekk sonen Josadak.

¹⁵Men Josadak laut fara med då HERREN dreiv Juda og Jerusalem i eksil ved handa til Nebukadnesar.

¹⁶Sønene til Levi var Gersjom, Kehat og Merari.

¹⁷Dette er namna på sønene til Gersjom: Libni og Sjimi.

¹⁸Sønene til Kehat var Amram, Jishar, Hebron og Ussiel.

¹⁹Og sønene til Merari var Mahli og Musji. Dette er levittslektene, nemnde etter fedrane deira:

²⁰Gersjom hadde sonen Libni; hans son var Jahat, hans son Simma,

²¹hans son Joah, hans son Iddo, hans son Serah og hans son Jeotrai.

²²Kehat hadde sonen Amminadab; hans son var Korah, hans son Assir,

²³hans son Elkana, hans son Ebjasaf, hans son Assir,

²⁴hans son Tahat, hans son Uriel, hans son Ussia og hans son Saul.

²⁵Sønene til Elkana var Amasai og Ahimot;

²⁶hans son var Elkana, hans son Sofai, hans son Nahat,

²⁷hans son Eliab, hans son Jeroham og hans son Elkana.

²⁸Samuel hadde to søner; den førstefødde heitte Joel, og den andre heitte Abia.

²⁹Merari hadde sonen Mahli; son hans var Libni, son hans Sjimi og son hans Ussa;

³⁰hans son var Sjima, hans son Haggia og hans son Asaja.

³¹Dette er dei mennene som David innsette til leiarar for songen i HERRENS hus då paktkista hadde fått kvilestaden sin der.

³²Før Salomo hadde bygd tempelet i Jerusalem, gjorde dei teneste som songarar framfor teltheilagdomen, Guds bustad. Der stod dei og gjorde tenesta si etter forskriftene.

³³Dette er tempelsongarane og sønene deira: av Kehat-sønene: songaren Heman, son til Joel, son til Samuel,

³⁴son til Elkana, son til Jeroham, son til Eliel, son til Toah,

³⁵son til Sif, son til Elkana, son til Mahat, son til Amasai,

³⁶son til Elkana, son til Joel, son til Asarja, son til Sefanja,

³⁷son til Tahat, son til Assir, son til Ebjasaf, son til Korah,

³⁸son til Jishar, son til Kehat, son til Levi, som var son til Israel.

³⁹Asaf, bror til Heman, som stod på høgre sida hans, var son til Berekja, son til Sjima,

⁴⁰son til Mikael, son til Baaseja, son til Malkia,

⁴¹son til Etni, son til Serah, son til Adaja,

⁴²son til Etan, son til Simma, son til Sjimi,

⁴³son til Jahat, son til Gersjom, som var son til Levi.

⁴⁴Merari-sønene, brørne deira, stod på venstre sida: Etan, son til Kisji, son til Abdi, son til Malluk,

⁴⁵son til Hasjabja, son til Amasja, son til Hilkia,

⁴⁶son til Amsi, son til Bani, son til Sjemer,

⁴⁷son til Mahli, son til Musji, son til Merari, som var son til Levi.

⁴⁸Brørne deira, dei andre levittane, var sette til å gjera allslags teneste i huset som er Guds bustad.

⁴⁹Aron og sønene hans bar fram offer på brennofferaltaret og på røykjelsesaltaret. Dei skulle gjera all teneste i Det høgheilage og gjera soning for Israel, heilt og fullt så som Moses, Guds tenar, hadde sagt.

⁵⁰Dette var etterkomarane av Aron: Elasar, hans son Pinhas, hans son Abisjua,

⁵¹hans son Bukki, hans son Ussi, hans son Serahja,

⁵²hans son Merajot, hans son Amarja, hans son Ahitub,

⁵³hans son Sadok og hans son Ahimaas.

⁵⁴Dette er bustadene til levittane, teltleirane som dei hadde innanfor landområdet sitt: Først vart det kasta lodd for Aron-sønene av Kehat-slekta,

⁵⁵og dei fekk Hebron i Juda med beitemarkene rundt ikring.

⁵⁶Men åkerlandet og landsbyane som høyrde byen til, fekk Kaleb, son til Jefunne.

⁵⁷Aronittane fekk fribyane Hebron og Libna med beitemarker, Jattir og Esjtemoa med beitemarker,

⁵⁸Hilen med beitemarker og Debir med beitemarker,

⁵⁹Asjan med beitemarker og Bet-Sjemesj med beitemarker,

⁶⁰og frå Benjamin-stammen Geba med beitemarker, Alemet med beitemarker og Anatot med beitemarker. I alt hadde dei tretten byar for slektene sine.

⁶¹Dei andre Kehat-sønene, ætt for ætt, fekk ved loddkasting ti byar frå halve Manasse-stammen.

⁶²Gersjom-sønene, slekt for slekt, fekk tretten byar frå Jissakar-stammen, Asjer-stammen, Naftali-stammen og Manasse-stammen i Basan.

⁶³Merari-sønene, slekt for slekt, fekk ved loddkasting tolv byar frå Ruben-stammen, Gad-stammen og Sebulon-stammen.

⁶⁴Desse byane og beitemarkene som høyrde til, gav israelittane til levittane.

⁶⁵Ved loddkasting fekk dei desse byane som er nemnde her, frå Juda-stammen, Simon-stammen og Benjamin-stammen.

⁶⁶Dei andre av Kehats etterkomarar fekk desse byane av Efraim-stammen:

⁶⁷fribyane Sikem i Efraim-fjella med beitemarker og Geser med beitemarker,

⁶⁸Jokmeam med beitemarker og Bet-Horon med beitemarker,

⁶⁹Ajjalon med beitemarker og Gat-Rimmon med beitemarker,

⁷⁰og av den eine halvparten av Manasse-stammen Aner med beitemarker og Bileam med beitemarker. Dette fekk dei andre Kehat-sønene, slekt for slekt.

⁷¹Gersjom-sønene, slekt for slekt, fekk av den andre halvparten av Manasse-stammen Golan i Basan med beitemarker og Asjtarot med beitemarker;

⁷²av Jissakar-stammen Kedesj med beitemarker og Daberat med beitemarker,

⁷³Ramot med beitemarker og Anem med beitemarker;

⁷⁴av Asjer-stammen Masjal med beitemarker og Abdon med beitemarker,

⁷⁵Hukok med beitemarker og Rehob med beitemarker;

⁷⁶og av Naftali-stammen Kedesj i Galilea med beitemarker, Hammon med beitemarker og Kirjatajim med beitemarker.

⁷⁷[22] Dei andre Merari-sønene fekk av Sebulon-stammen Rimmon med beitemarker og Tabor med beitemarker;

⁷⁸på den andre sida av Jordan ved Jeriko, aust for Jordan, fekk dei av Ruben-stammen Beser i ørkenen med beitemarker og Jahsa med beitemarker,

⁷⁹Kedemot med beitemarker og Mefaat med beitemarker,

⁸⁰og av Gad-stammen Ramot i Gilead med beitemarker og Mahanajim med beitemarker,

⁸¹Hesjbon med beitemarker og Jaser med beitemarker.