Read nynorsk 2011 1. Krønikebok 9 Bible Online

1. Krønikebok 9 - nynorsk 2011 bible

1. Krønikebok 9

¹Heile Israel vart ført opp i slektsregister, og sjå, dei er innskrivne i boka om Israels-kongane. Men fiendane førte Juda i eksil til Babel fordi dei hadde vore trulause.

²Dei første som busette seg på eigedomane deira og i byane deira, var vanlege israelittar, prestar, levittar og tempeltenarar.

³I Jerusalem busette det seg folk frå Juda, Benjamin, Efraim og Manasse.

⁴Det var: Utai, son til Ammihud, son til Omri, son til Imri, son til Bani, ein av sønene til Peres, son til Juda.

⁵Vidare av etterkomarane av Sjela: Asaja, den førstefødde, og sønene hans;

⁶av Serah-sønene: Je'uel. Slektningane hans talde 690 personar.

⁷Av etterkomarane av Benjamin: Sallu, son til Mesjullam, son til Hodavja, son til Hassenua,

⁸og Jibneja, son til Jeroham, og Ela, son til Ussi, son til Mikri, og Mesjullam, son til Sjefatja, son til Re'uel, son til Jibnia,

⁹og slektningane deira ifølgje slektshistoria, 956 i alt. Alle desse var leiarar for familiane sine.

¹⁰Av prestane: Jedaja, Jojarib og Jakin,

¹¹Asarja, son til Hilkia, son til Mesjullam, son til Sadok, son til Merajot, son til Ahitub, leiaren for Guds hus,

¹²og Adaja, son til Jeroham, son til Pasjhur, son til Malkia, og Masai, son til Adiel, son til Jahsera, son til Mesjullam, son til Mesjillemot, son til Immer,

¹³og slektningane deira, leiarar for familiane sine, 1760 i alt. Det var dyktige menn, vel skikka til å gjera teneste i Guds hus.

¹⁴Av levittane: Sjemaja, son til Hasjub, son til Asrikam, son til Hasjabja, ein av etterkomarane av Merari,

¹⁵og Bakbakkar, Heresj, Galal og Mattanja, son til Mika, son til Sikri, son til Asaf,

¹⁶og Obadja, son til Sjemaja, son til Galal, son til Jedutun, og Berekja, son til Asa, son til Elkana, som budde i landsbyane til Netofa-slekta.

¹⁷Portvaktene: Sjallum, Akkub, Talmon og Ahiman og slektningane deira; Sjallum var den øvste av dei.

¹⁸[28] Dei står framleis ved Kongeporten mot aust. Det er dei som held vakt i leirane til levittane.

¹⁹Sjallum, son til Kore, son til Ebjasaf, son til Korah, og slektningane hans, Korah-sønene, som høyrde til same familien som han, hadde som si teneste å vera dørvaktarar ved teltet; fedrane deira hadde vakta inngangen til HERRENS leir.

²⁰Pinhas, son til Elasar, hadde vore leiaren deira. HERREN var med han.

²¹Sakarja, son til Mesjelemja, var dørvaktar ved inngangen til teltheilagdomen.

²²Desse som var utvalde til å vera dørvaktarar, var i alt 212 mann. Dei var oppskrivne i slektsregister etter landsbyane sine. David og sjåaren Samuel hadde sett dei inn i tenesta fordi dei var pålitelege.

²³Dei og sønene deira skulle halda vakt avdelingsvis ved portane til HERRENS hus, ved teltbustaden.

²⁴Dørvaktarane stod på post vende mot dei fire vindretningane, mot aust, vest, nord og sør.

²⁵Slektningane deira i landsbyane ikring skulle frå tid til anna koma og hjelpa dei i sju dagar.

²⁶[29] Fordi dei var trufaste, hadde desse fire, som var levittar, vorte innsette som leiarar for portvaktene. Tempelromma og skattkammera i Guds hus vakta dei òg.

²⁷Om natta heldt dei seg kring Guds hus; for det var deira plikt å halda vakt og opna portane kvar morgon.

²⁸Nokre av dei hadde tilsyn med dei gjenstandane som vart nytta i gudstenesta. Dei skulle telja dei både når dei bar dei inn, og når dei bar dei ut.

²⁹Andre var sette til å ta vare på det vanlege utstyret og det heilage utstyret, det fine mjølet, vinen, oljen, røykjelsen og balsamen.

³⁰Nokre av prestane laga blandinga til den velluktande balsamen.

³¹Mattitja, ein av levittane, den førstefødde sonen til Sjallum av Korah-slekta, var tiltrudd tilsynet med brødbakinga.

³²Og nokre av slektningane deira frå Kehat-slekta hadde ansvaret for tilsynet med skodebrøda, som dei skulle leggja fram kvar sabbat.

³³Så var det tempelsongarane, leiarar for levittfamiliane. Dei heldt til i tempelromma og var fritekne for alle andre tenester, for dei laut gjera teneste dag og natt.

³⁴Dette var leiarane for levittfamiliane, hovdingar etter slektshistoria si. Dei budde i Jerusalem.

³⁵I Gibeon budde Je'uel, far til Gibeon. Kona hans heitte Maaka.

³⁶Den førstefødde sonen hans var Abdon. Så kom Sur, Kisj, Baal, Ner, Nadab,

³⁷Gedor, Ahjo, Sakarja og Miklot.

³⁸Miklot fekk sonen Sjima. Dei òg budde i Jerusalem som brørne sine, saman med dei.

³⁹Ner fekk sonen Kisj, og Kisj fekk Saul. Saul fekk sønene Jonatan, Malkisjua, Abinadab og Esjbaal.

⁴⁰Son til Jonatan var Meribbaal, og Meribbaal fekk sonen Mika.

⁴¹Sønene til Mika var Piton, Melek, Tarea og Ahas.

⁴²Ahas fekk sonen Jara, og Jara fekk sønene Alemet, Asmavet og Simri. Simri fekk sonen Mosa,

⁴³og Mosa fekk Bina. Hans son var Refaja, hans son Elasa og hans son Asel.

⁴⁴Asel hadde seks søner, og dette er namna deira: Asrikam, Bokeru, Ismael, Sjearja, Obadja og Hanan. Alle desse var sønene til Asel.