Read nynorsk 2011 Esra 10 Bible Online

Esra 10 - nynorsk 2011 bible

Esra 10

¹Medan Esra gråtande kasta seg ned framfor Guds hus og bad og skrifta, samla det seg ei stor mengd israelittar rundt han, menn, kvinner og born, og folket gret høgt.

²Då tok Sjekanja, son til Jehiel, frå Elam-ætta, til orde og sa til Esra: «Vi har vore trulause mot vår Gud og teke til oss framande kvinner frå folka i landet. Likevel er det enno von for Israel.

³Lat oss no gjera ei pakt for vår Guds andlet og senda frå oss alle desse kvinnene og deira born. Det er dette rådet vi har fått frå Herren, og frå dei som skjelv for boda frå vår Gud. Lat dette bli gjort etter lova!

⁴Gå i gang, for saka kviler på deg, men vi vil vera med deg. Ver sterk og gå til verket!»

⁵Då reiste Esra seg og bad dei leiande prestane, levittane og heile Israel sverja at dei ville gjera det som var sagt, og dei svor alle.

⁶Esra gjekk så bort frå plassen framfor HERRENS hus og inn i rommet til Johanan, son til Eljasjib. Der var han natta over utan å smaka verken brød eller vatn, for han sørgde over truløysa til dei som hadde vore i eksil.

⁷Deretter gjekk det ut ei kunngjering gjennom heile Juda og Jerusalem til alle som hadde vore i eksil. Dei skulle samlast i Jerusalem.

⁸Den som ikkje kom innan tre dagar, skulle — slik leiarane og dei eldste hadde bestemt — få all eigedomen sin slegen med bann og øydelagd og sjølv bli skild frå forsamlinga av dei som hadde vore i eksil.

⁹Alle menn frå Juda og Benjamin samla seg i Jerusalem på tre dagar. Det var den tjuande dagen i den niande månaden. Heile folket sat på plassen framfor Guds hus og skalv, både på grunn av denne saka og fordi det regna kraftig.

¹⁰Då reiste presten Esra seg og sa til dei: «De har vore trulause og teke til dykk framande kvinner. Slik har de auka Israels skuld.

¹¹Skrifta no for HERREN, dykkar fedrars Gud, og gjer hans vilje. Skil dykk frå desse folka i landet og frå dei framande kvinnene.»

¹²Då svara heile forsamlinga høgt: «Ja, vi vil gjera det som du seier til oss.

¹³Men det er mykje folk, og det er regntid. Vi orkar ikkje å stå her ute lenger. Dette arbeidet er ikkje gjort på ein dag eller to, for vi er mange som har synda i denne saka.

¹⁴Lat no leiarane våre stå fram for heile forsamlinga. Så skal alle i byane våre som har teke til seg framande kvinner, møta til avtala tider saman med dei eldste og dommarane frå kvar einskild by, for å venda bort frå oss vår Guds brennande vreide på grunn av denne saka.»

¹⁵[25] Berre Jonatan, son til Asael, og Jahseja, son til Tikva, sette seg imot dette, og Mesjullam og levitten Sjabbetai støtta dei.

¹⁶Men dei som hadde vore i eksil, gjorde som det var sagt. Presten Esra skilde ut nokre menn som var leiarar for kvar sin familie, alle nemnde med namn. Dei kom saman den første dagen i den tiande månaden for å granska saka.

¹⁷På den første dagen i den første månaden vart dei ferdige med alle mennene som hadde teke til seg framande kvinner.

¹⁸Ein fann at desse prestesønene hadde teke til seg framande kvinner: etterkomarar av Josva, son til Josadak, og brørne hans: Maaseja, Elieser, Jarib og Gedalja.

¹⁹Dei gav handa på at dei skulle senda frå seg kvinnene sine, og dei ofra ein vêr som skuldoffer.

²⁰Etterkomarar av Immer: Hanani og Sebadja;

²¹av Harim: Maaseja, Elia, Sjemaja, Jehiel og Ussia;

²²av Pasjhur: Eljoenai, Maaseja, Ismael, Netanel, Josabad og Elasa.

²³Av levittane: Josabad, Sjimi, Kelaja — det er den same som Kelita — Petahja, Juda og Elieser.

²⁴Av songarane: Eljasjib, og av portvaktene: Sjallum, Telem og Uri.

²⁵Av Israel: etterkomarar av Parosj: Ramja, Jissia, Malkia, Mijjamin, Elasar, Malkia og Benaja;

²⁶av Elam: Mattanja, Sakarja, Jehiel, Abdi, Jeremot og Elia;

²⁷av Sattu: Eljoenai, Eljasjib, Mattanja, Jeremot, Sabad og Asisa;

²⁸av Bebai: Johanan, Hananja, Sabbai og Atlai;

²⁹av Bani: Mesjullam, Malluk, Adaja, Jasjub, Sjeal og Jeremot;

³⁰av Pahat-Moab: Adna, Kelal, Benaja, Maaseja, Mattanja, Besalel, Binnui og Manasse;

³¹av Harim: Elieser, Jisjia, Malkia, Sjemaja, Simon,

³²Benjamin, Malluk og Sjemarja;

³³av Hasjum: Mattenai, Mattatta, Sabad, Elifelet, Jeremai, Manasse og Sjimi;

³⁴av Bani: Maadai, Amram, Uel,

³⁵Benaja, Bedja, Keluhu,

³⁶Vanja, Meremot, Eljasjib,

³⁷Mattanja, Mattenai og Jaasai;

³⁸av Binnui: Sjimi,

³⁹Sjelemja, Natan, Adaja,

⁴⁰Maknadbai, Sjasjai, Sjarai,

⁴¹Asarel, Sjelemja, Sjemarja,

⁴²Sjallum, Amarja og Josef;

⁴³av Nebo: Je'iel, Mattitja, Sabad, Sebina, Jaddai, Joel og Benaja.

⁴⁴Alle desse hadde teke til seg framande kvinner, og nokre hadde fått born med dei.