Read nynorsk 2011 Nehemja 12 Bible Online

Nehemja 12 - nynorsk 2011 bible

Nehemja 12

¹Dette er dei prestane og levittane som drog opp saman med Serubabel, son til Sjealtiel, og Josva: Seraja, Jeremia, Esra,

²Amarja, Malluk, Hattusj,

³Sjekanja, Rehum, Meremot,

⁴Iddo, Ginnetoi, Abia,

⁵Mijamin, Maadja, Bilga,

⁶Sjemaja, Jojarib, Jedaja,

⁷Sallu, Amok, Hilkia og Jedaja. Desse var leiarar for prestane og brørne deira i Josvas dagar.

⁸Dette er levittane: Josva, Binnui, Kadmiel, Sjerebja, Juda og Mattanja, som saman med brørne sine stod for takkesongen.

⁹Bakbukja, Unni og brørne deira stod midt imot dei når dei hadde teneste.

¹⁰Josva fekk sonen Jojakim, Jojakim fekk Eljasjib, Eljasjib fekk Jojada,

¹¹Jojada fekk Jonatan, og Jonatan fekk Jaddua.

¹²I Jojakims dagar var desse leiarar for prestefamiliane: Meraja for Seraja, Hananja for Jeremia,

¹³Mesjullam for Esra, Johanan for Amarja,

¹⁴Jonatan for Malluk, Josef for Sjebanja,

¹⁵Adna for Harim, Helkai for Merajot,

¹⁶Sakarja for Iddo, Mesjullam for Ginneton,

¹⁷[21] Sikri for Abia, for Minjamin, Piltai for Moadja,

¹⁸Sjammua for Bilga, Jonatan for Sjemaja,

¹⁹Mattenai for Jojarib, Ussi for Jedaja,

²⁰Kallai for Sallai, Eber for Amok,

²¹Hasjabja for Hilkia og Netanel for Jedaja.

²²I Eljasjibs, Jojadas, Johanans og Jadduas dagar vart leiarane for levittfamiliane og prestefamiliane oppskrivne, heilt til persaren Dareios si regjeringstid.

²³Leiarane for levittfamiliane vart oppskrivne i krønikeboka heilt til dagane til Johanan, son til Eljasjib.

²⁴Leiarane for levittane var Hasjabja, Sjerebja, Josva, Binnui og Kadmiel. Brørne deira stod midt imot dei, vakt etter vakt. Dei lovprisa og takka, slik David, Guds mann hadde gjeve bod om.

²⁵Mattanja, Bakbukja, Obadja, Mesjullam, Talmon og Akkub var portvakter. Dei heldt vakt over lagerromma ved portane.

²⁶Alle desse levde samtidig med Jojakim, son til Josva, son til Josadak, og samtidig med statthaldaren Nehemja og presten Esra, den skriftlærde.

²⁷Då muren omkring Jerusalem skulle innviast, bad dei levittane frå alle stader koma til Jerusalem for å feira vigsla med glede og takk, med song og symbalar, harper og lyrer.

²⁸Songarane samla seg. Dei kom frå områda rundt Jerusalem og frå landsbyane til Netofa-slekta,

²⁹frå Bet-Haggilgal og frå markene ved Geba og Asmavet. For songarane hadde bygd seg landsbyar rundt Jerusalem.

³⁰Prestane og levittane reinsa seg sjølve, så reinsa dei folket, portane og muren.

³¹Eg lét leiarane i Juda stiga opp på muren og stilte så opp to store takkekor. Det eine gjekk til høgre på muren mot Møkkporten.

³²Etter dei følgde Hosjaja og halvparten av leiarane i Juda,

³³og Asarja, Esra, Mesjullam,

³⁴Juda, Benjamin, Sjemaja og Jeremia,

³⁵og nokre av prestane med trompetar. Det var Sakarja, son til Jonatan, son til Sjemaja, son til Mattanja, son til Mikaja, son til Sakkur, son til Asaf,

³⁶og brørne hans, Sjemaja, Asarel, Milalai, Gilalai, Maai, Netanel, Juda og Hanani, med musikkinstrumenta til David, Guds mann, og Esra, den skriftlærde, som gjekk føre dei.

³⁷Dei gjekk over til Kjeldeporten og opp trappene til Davidsbyen, til trappa der muren går opp til Davids hus, og fram til Vassporten i aust.

³⁸Det andre takkekoret gjekk motsett veg, og eg følgde etter saman med halvparten av folket oppe på muren, forbi Omnstårnet og heilt til Den breie muren,

³⁹forbi Efraim-porten, Gamleporten, Fiskeporten, Hananel-tårnet og Hundretårnet, til Saueporten. Dei stansa ved Vaktporten.

⁴⁰Begge takkekora vart ståande ved Guds hus. Det same gjorde eg og halvparten av stormennene med meg,

⁴¹vidare prestane Eljakim, Maaseja, Minjamin, Mikaja, Eljoenai, Sakarja og Hananja med trompetar,

⁴²Maaseja, Sjemaja, Elasar, Ussi, Johanan, Malkia, Elam og Eser. Songarane stemde i under leiing av Jisrahja.

⁴³Dei bar fram store offer den dagen, og dei var glade, for Gud hadde gjeve dei ei stor glede. Kvinnene og borna var òg glade. Jerusalems glede kunne høyrast langt borte.

⁴⁴På den dagen vart menn utpeika til å ha tilsyn med dei romma som var lager for gåvene, førstegrøda og tienda, det som etter lova vart samla frå bymarkene for prestane og levittane. Gleda i Juda var stor fordi prestane og levittane var i teneste igjen.

⁴⁵Dei hadde ansvar for tenesta for sin Gud og for reinsinga. Songarane og portvaktene gjorde si gjerning, slik David og Salomo, son hans, hadde gjeve bod om.

⁴⁶For alt i David og Asaf sine dagar, for lenge sidan, var det nokre som leidde songarane, lovsongen og takka til Gud.

⁴⁷I Serubabels og Nehemjas dagar gav heile Israel songarane og portvaktene den delen dei skulle ha kvar dag. Dei gav levittane den heilage gåva dei skulle ha, og levittane gav aronittane det dei skulle ha.