Read nynorsk 2011 Job 11 Bible Online

Job 11 - nynorsk 2011 bible

Job 11

¹Då tok Sofar frå Naama til ords og sa:

²Må ikkje ein slik ordflaum få svar så ikkje pratmakeren får rett?

³Tomsnakket ditt får folk til å teia. Du spottar utan skam.

⁴ Du seier: «Min lærdom er rett. Rein er eg i dine auge.»

⁵Berre Gud ville tala og opna leppene mot deg!

⁶ Då ville han fortelja deg visdomens løyndomar og gje deg dobbel innsikt: Vit at Gud lèt di skuld bli gløymd.

⁷ Kan vel du måla Gud, kan du kjenna Den veldiges grenser?

⁸ Høgare enn himmelen — kva kan du gjera? Djupare enn dødsriket — kva veit vel du?

⁹Lengre enn jorda, breiare enn havet.

¹⁰ Om han dreg fram, sperrar inne og kallar saman, kven kan hindra han?

¹¹Han kjenner løgnarane. Kan han vel sjå urett utan å leggja merke til det?

¹²Kan ein tomskalle få forstand? Kan eit villesel fødast som menneske?

¹³ [20] Om ditt hjarte er fast, så brei hendene ut mot han.

¹⁴Om det er urett i di hand, så vis uretten bort; lat ikkje vondskap bu i dine telt.

¹⁵ Då kan du skuldfri lyfta hovudet, heilstøypt og utan frykt.

¹⁶For du skal gløyma lidinga, minnast henne som vatn som rann forbi.

¹⁷ Då står livet høgare enn middagssola. Mørkret blir som ein morgon.

¹⁸Du er tillitsfull, for det er håp. Du er verna og kan trygt leggja deg.

¹⁹ Ingen skremmer deg når du går til ro. Mange vil søkja din gunst.

²⁰ Men auga til dei lovlause sloknar. Dei er ikkje i stand til å flykta, deira einaste håp er å få anda ut.