Read nynorsk 2011 Job 17 Bible Online

Job 17 - nynorsk 2011 bible

Job 17

¹ Livskrafta mi er broten, dagane mine tek ende, berre grava står att.

²Spottarar omgjev meg, auget må dvela ved deira motstand.

³ Ta vare på mitt pant hos deg! Kven elles skulle gje meg handslag?

⁴Du har stengt hjartet deira for innsikt og lèt dei oppnå lite ære.

⁵Ein mann fortel vener om delinga av arven medan auga til borna sloknar.

⁶ Han har gjort meg til eit ordtak for folk, til ein som dei spyttar i andletet.

⁷ Auga mine er sløva av sorg, og lemene er som ein skugge.

⁸Dei rettskafne grøssar av slikt, den skuldfrie er opprørt over den ugudelege.

⁹Den rettferdige held fast på sin veg, for reine hender gjev større styrke.

¹⁰Men kom berre hit, alle saman! Eg finn ingen som er vis mellom dykk.

¹¹Dagane mine tek slutt, planane mine ligg knuste, ja, mine inste lengsler.

¹² Dei gjer natta til dag, seier lyset er nær sjølv om det er mørkt.

¹³Kva har eg å vona på? Dødsriket er min bustad, i mørkret reier eg mi seng.

¹⁴Eg ropar til grava: «Du er min far!» og til makken i jorda: «Mi mor og syster!»

¹⁵ Kvar er mitt håp? Kven kan vel få auge på det?

¹⁶Går også håpet til dødsriket? Stig vi saman ned i støvet?