Read nynorsk 2011 Job 26 Bible Online

Job 26 - nynorsk 2011 bible

Job 26

¹Då tok Job til ords og sa:

²Ja, du er god hjelp for ein maktlaus mann, ein reddande arm for den kraftlause!

³Kor du gjev råd til den som manglar visdom, for ei innsikt du gjev han!

⁴ Kven lærte deg å tala? Kven kjem han frå, den pusten som går ut frå deg?

⁵Daudingane skjelv, vatnet der nede og dei som bur der.

⁶ Nake ligg dødsriket for Gud, avgrunnen er utan dekke.

⁷ Han har breidd nordhimmelen ut over aude rommet, hengt jorda opp over ingenting.

⁸ Han bind vatnet i skyene, men skylaget rivnar ikkje.

⁹ Han løyner trona si, breier skyer rundt henne.

¹⁰Rundt havet dreg han ei grense; himmelranda skil lys frå mørker.

¹¹ Himmelsøylene vaklar, skremde av hans trugsmål.

¹² [31] Med si kraft har han rørt havet opp, med sin klokskap knust Rahab.

¹³ [32] Vinden hans blæs himmelen klår. Handa hans sårar den flyktande slangen.

¹⁴Sjå, alt dette er berre randa av hans veg; det er som å høyra ei kviskring. Men når hans makt tornar, kven kan forstå det?