Read nynorsk 2011 Salmane 108 Bible Online

Salmane 108 - nynorsk 2011 bible

Salmane 108

¹Ein song. Ein salme av David.

² Mitt hjarte er roleg, Gud, eg vil syngja og spela av heile mi sjel.

³Vakna, harpe og lyre! Eg vil vekkja morgonròden.

⁴ HERRE, eg vil prisa deg mellom folka, lovsyngja deg mellom folkeslag.

⁵For høgare enn himmelen er di miskunn, din truskap når til skyene.

⁶Vis deg høg over himmelen, Gud, vis din herlegdom over all jorda!

⁷ Hjelp oss med di høgre hand, svar meg så dine kjære kan bli berga.

⁸ [149] Gud har tala i sin heilagdom: Med jubel vil eg dela ut Sikem, Sukkot-dalen vil eg måla opp.

⁹Mitt er Gilead, mitt er Manasse, Efraim er hjelmen på mitt hovud, Juda er min styrarstav.

¹⁰Men Moab er mitt vaskefat, på Edom kastar eg sandalen. Eg triumferer over Filistarland.

¹¹Kven fører meg til festningsbyen, kven leier meg til Edom?

¹²Du har jo støytt oss bort, Gud, du drog ikkje ut med våre hærar.

¹³Støtt oss mot fienden! Hjelp frå menneske er ingenting verd.

¹⁴I Gud skal vi gjera storverk. Han skal trakka ned våre fiendar.