Read nynorsk 2011 Salmane 112 Bible Online

Salmane 112 - nynorsk 2011 bible

Salmane 112

¹ [154] Halleluja! Alef א Sæl er den som fryktar HERREN Bet ב og har glede i hans bod. Gimel ג

² Hans ætt blir mektig i landet, Dalet ד den rettskafne slekta blir velsigna. He ה

³Det er velstand og rikdom i hans hus, Waw ו hans rettferd skal alltid vara. Zajin ז

⁴ Lys bryt fram i mørkret for dei rettvise, Het ח for den som er nådig, mild og rettferdig. Tet ט

⁵ Det går vel med den som villig gjev lån, Jod י den som steller sine saker rett. Kaf כ

⁶ Han skal aldri i æve vakla, Lamed ל den rettferdige blir alltid hugsa. Mem מ

⁷Han er ikkje redd for vonde rykte, Nun נ hans hjarte er roleg og trygt i HERREN. Samek ס

⁸ Hans hjarte er grunnfest, utan frykt. Ajin ע Til slutt får han sjå at fienden fell. Pe פ

⁹ Han strør ut, han gjev til dei fattige, Tsade צ hans rettferd skal alltid vara, Qof ק stor og herleg blir hans makt. Resj ר

¹⁰ Den urettferdige ser det og blir sint, Sjin ש skjer tenner og veiknar bort. Taw ת Det dei urettferdige trår etter, blir til inkjes.