Read nynorsk 2011 Salmane 116 Bible Online

Salmane 116 - nynorsk 2011 bible

Salmane 116

¹ Eg elskar HERREN, for han høyrde mitt rop om nåde.

²Han vende øyret til meg, eg vil kalla på han alle mine dagar.

³ Dødens band snørte seg om meg, redsler frå dødsriket nådde meg, eg fann berre naud og sorg.

⁴Då kalla eg på HERRENS namn: «Å, HERRE, berg livet mitt!»

⁵ HERREN er nådig og rettferdig, vår Gud er mild.

⁶ HERREN vaktar dei uvitande, han kom meg til hjelp då eg var langt nede.

⁷ Kom til ro att, mi sjel, HERREN har svara deg!

⁸ Ja, du har fria mitt liv frå døden, auget frå tårer og foten frå å snubla.

⁹ [156] Eg skal ferdast for HERRENS andlet i landet til dei levande.

¹⁰ Eg trudde, også då eg sa: «Eg er hardt plaga.»

¹¹ Eg sa i min angst: «Alle menneske lyg.»

¹²Kva kan eg gje HERREN att for alt det gode han gjer?

¹³Eg lyfter frelses beger og kallar på HERRENS namn.

¹⁴ Eg oppfyller mine lovnader til HERREN framfor heile hans folk.

¹⁵ Det kostar HERREN mykje at hans trugne døyr.

¹⁶Å, HERRE, eg er din tenar, ein tenar og son til di tenestekvinne. Du har løyst mine lenkjer.

¹⁷ Eg slaktar takkoffer til deg og kallar på HERRENS namn.

¹⁸Eg oppfyller mine lovnader til HERREN framfor heile hans folk,

¹⁹i føregardane til HERRENS hus, midt inne i deg, Jerusalem. Halleluja!