Read nynorsk 2011 Salmane 12 Bible Online

Salmane 12 - nynorsk 2011 bible

Salmane 12

¹[20] Til korleiaren. Etter «Den åttande». Ein salme av David.

² Frels meg, HERRE! Dei trugne er borte. Det finst ikkje trufaste menneske meir.

³ Alle talar løgn med sin neste, dei snakkar med glatte lepper og delt hjarte.

⁴ HERREN skal rydda ut alle glatte lepper, kvar tunge som talar store ord,

⁵dei som seier: «I tunga ligg vår makt, vi har leppene med oss. Kven er herre over oss?»

⁶ [21] «Dei hjelpelause blir undertrykte, og dei fattige stønnar, difor vil eg reisa meg», seier HERREN. «Eg vil berga den som blir forakta.»

⁷ HERRENS ord er reine ord, sølv lutra i smelteomnen, sju gonger reinsa.

⁸Du, HERRE, vil vara dei, verna dei mot denne slekt for alltid

⁹når lovlause er på ferde overalt og det usle får makta mellom folk.