Read nynorsk 2011 Salmane 132 Bible Online

Salmane 132 - nynorsk 2011 bible

Salmane 132

¹Ein song til festreisene. HERRE, kom i hug David og alt han heldt ut!

² [170] Han svor til HERREN, gav Jakobs Mektige ein lovnad:

³«Eg vil ikkje gå inn i huset mitt, ikkje leggja meg i senga,

⁴ikkje unna meg blund på auga og ikkje la augneloka kvila

⁵før eg har funne ein stad for HERREN, ein bustad for Jakobs Mektige.»

⁶ [171] Vi høyrde om paktkista i Efrata, vi fann henne på markene ved Jaar.

⁷ Lat oss gå inn i hans bustad, kasta oss ned for hans fotskammel!

⁸ Reis deg, HERRE, og kom til din kvilestad, du og paktkista, som er din styrke.

⁹Prestane dine skal kle seg i rettferd, dine trugne skal ropa av fryd.

¹⁰For David, din tenar skuld, vis ikkje frå deg den du har salva!

¹¹ HERREN har svore til David eit påliteleg ord han ikkje går frå: «Di livsfrukt vil eg setja på trona di.

¹²Dersom sønene dine held mi pakt og den lov eg vil læra dei, så skal sønene deira òg alltid sitja på di trone.»

¹³For HERREN har valt ut Sion, henne vil han ha til bustad:

¹⁴«Dette er min kvilestad for all tid, her vil eg bu, for henne vil eg ha.

¹⁵Maten hennar vil eg velsigna, dei fattige vil eg metta med brød,

¹⁶prestane hennar kler eg i frelse, dei trugne skal ropa av fryd.

¹⁷ [172] Der lèt eg eit horn veksa fram for David, eg steller til ei lampe for den eg har salva.

¹⁸Fienden vil eg kle i skam, men på han skal krona stråla.»