Read nynorsk 2011 Salmane 138 Bible Online

Salmane 138 - nynorsk 2011 bible

Salmane 138

¹Av David. Eg vil takka deg av heile mitt hjarte, syngja og spela framfor gudar.

² Eg bøyer meg mot ditt heilage tempel, eg prisar ditt namn for di miskunn og din truskap. Du har gjort ditt namn og ditt ord større enn alt.

³Du svara meg den dagen eg ropa, du fylte meg med styrke.

⁴ Alle kongar på jorda skal takka deg, HERRE, når dei høyrer orda frå din munn.

⁵Dei skal syngja om HERRENS vegar, for HERRENS herlegdom er stor.

⁶ Høg er HERREN, men han ser den låge og kjenner den stolte på lang avstand.

⁷ Går eg i trengsle, held du meg i live, du retter handa ut mot mine arge fiendar, di høgre hand bergar meg.

⁸ HERREN skal gjera vel mot meg. HERRE, di miskunn varer evig. Svikt ikkje ditt verk!