Read nynorsk 2011 Salmane 14 Bible Online

Salmane 14 - nynorsk 2011 bible

Salmane 14

¹[22] Til korleiaren. Av David. Dåren seier i sitt hjarte: «Det finst ingen Gud.» Vondt og avskyeleg er alt dei gjer, det finst ingen som gjer det gode.

² Frå himmelen ser HERREN ned til menneska for å sjå om det finst nokon som er vis, nokon som søkjer Gud.

³ Alle har vendt seg bort, alle som ein er forderva. Det finst ingen som gjer det gode, ikkje ein einaste.

⁴ Skjønar dei då ingen ting, alle dei som gjer urett? Dei et opp folket mitt som om dei et brød, og kallar ikkje på HERREN.

⁵Då skal dei råkast av redsle, for Gud er med den rettferdige slekta.

⁶Knus berre planen til den hjelpelause! For HERREN er hans tilflukt.

⁷ Måtte frelse koma til Israel frå Sion! Når HERREN vender lagnaden for sitt folk, skal Jakob jubla og Israel gleda seg.