Read nynorsk 2011 Salmane 145 Bible Online

Salmane 145 - nynorsk 2011 bible

Salmane 145

¹[186] Ein lovsong av David. Alef א Eg vil opphøgja deg, min Gud og konge, og velsigna namnet ditt til evig tid. Bet ב

²Eg vil velsigna deg kvar dag og lovsyngja namnet ditt til evig tid. Gimel ג

³ Stor er HERREN og verdig lov og pris, stordomen hans kan ingen granska. Dalet ד

⁴ Slekt etter slekt prisar dine gjerningar og fortel om dine storverk. He ה

⁵ Eg grundar på din høge herlegdom og di ære og på dine underfulle ord. Waw ו

⁶Dei talar om dine sterke og skremmande gjerningar, eg fortel om dine storverk. Zajin ז

⁷Dei lèt gjetordet gå om alt det gode du gjer, og jublar over di rettferd. Het ח

⁸ HERREN er nådig og mild, sein til vreide og rik på miskunn. Tet ט

⁹ HERREN er god mot alle, mild mot alt han har skapt. Jod י

¹⁰Alle dine skapningar prisar deg, HERRE, dine trugne velsignar deg. Kaf כ

¹¹Dei fortel om di herlege kongsmakt og talar om ditt velde. Lamed ל

¹²Dei lèt menneske læra å kjenna ditt velde, di strålande kongsmakt. Mem מ

¹³ [187] Du er konge gjennom alle tider, du herskar frå slekt til slekt. Nun נ {{HERREN er påliteleg i alt han seier, trufast i alt han gjer.}} Samek ס

¹⁴ HERREN støttar alle som fell, og reiser alle nedbøygde opp. Ajin ע

¹⁵ Alle auge ventar på deg, og du gjev dei mat i rett tid. Pe פ

¹⁶Du opnar di hand og mettar alt levande med det gode. Tsade צ

¹⁷ HERREN er rettferdig på alle sine vegar, trufast i alt han gjer. Qof ק

¹⁸ HERREN er nær alle som kallar på han, alle som kallar på han i sanning. Resj ר

¹⁹ Til dei som fryktar han, gjev han det dei ønskjer, han høyrer deira rop og frelser dei. Sjin ש

²⁰ HERREN vaktar alle som elskar han, men utryddar alle lovlause. Taw ת

²¹ Min munn skal lovprisa HERREN, alt som lever, skal velsigna hans heilage namn til evig tid.