Read nynorsk 2011 Salmane 148 Bible Online

Salmane 148 - nynorsk 2011 bible

Salmane 148

¹Halleluja! Lovsyng HERREN frå himmelen, lov han i det høgste!

² Lov han, alle hans englar, lov han, heile hans hær!

³Lov han, sol og måne, lov han, alle lysande stjerner!

⁴ [188] Lov han, du høgste himmel, og vatnet over himmelen!

⁵ Dei skal lova HERRENS namn, for han baud, og dei vart skapte.

⁶ Han gav dei sin stad for alltid, fastsette ei ordning som ikkje forgår.

⁷Lovsyng HERREN frå jorda, store sjødyr og alle havdjup,

⁸ eld og hagl, snø og skodd, stormvind som set hans ord i verk,

⁹fjell og alle haugar, frukttre og alle sedrar,

¹⁰ ville dyr og alt fe, krypdyr og fuglar med venger,

¹¹kongar på jorda og alle folk, stormenn og alle styresmenn på jord,

¹²unge menn og jenter, gamle folk og gutar!

¹³ Dei skal lova HERRENS namn, berre hans namn er opphøgt. Hans herlegdom er over himmel og jord.

¹⁴Han har reist opp eit horn av kraft for sitt folk til ære for alle sine trugne, for Israel, folket som er han nær. Halleluja!