Read nynorsk 2011 Salmane 16 Bible Online

Salmane 16 - nynorsk 2011 bible

Salmane 16

¹[25] Ein miktam. Av David. Verna meg, Gud, for eg søkjer tilflukt hos deg.

² [26] Eg seier til HERREN: «Du er min Herre, alt godt har eg i deg.» Usle er dei

³ein held for heilage i landet. Desse veldige vil eg ikkje vita av.

⁴ Dei som spring etter andre gudar, vil få mange plager. Eg vil ikkje renna ut blodoffer for dei og ikkje ha deira namn på mine lepper.

⁵ [27] HERRE, du er min del og mitt beger. Du held min lut i dine hender.

⁶Fruktbar jord vart målt opp til meg, ein herleg eigedom vart min.

⁷Eg velsignar HERREN, som leier meg, jamvel om natta får eg råd frå mitt indre.

⁸ Alltid har eg HERREN framfor meg. Han er ved mi høgre side, eg skal ikkje vakla.

⁹Difor er det glede i mitt hjarte, og mitt inste jublar, jamvel kroppen kan slå seg til ro.

¹⁰ Du gjev ikkje mi sjel over til dødsriket, du lèt ikkje din trufaste tenar sjå grava.

¹¹ Du lærer meg livsens veg, hos deg er glede i overflod, fagnad utan ende ved di høgre hand.