Read nynorsk 2011 Salmane 2 Bible Online

Salmane 2 - nynorsk 2011 bible

Salmane 2

¹ Kvifor er folkeslag i opprør? Kvifor grundar folka på det som er fåfengt?

² [4] Kongane på jorda reiser seg, fyrstane slår seg saman mot HERREN og den han har salva.

³«Lat oss slita sund deira lenkjer og kasta reipa av oss!»

⁴ Han ler, han som tronar i himmelen, Herren spottar dei.

⁵Så talar han til dei i sin vreide, i sin harme slår han dei med redsle:

⁶«Det er eg som har innsett min konge på Sion, mitt heilage fjell.»

⁷ [5] Eg vil kunngjera det HERREN har fastsett. Han sa til meg: «Du er son min, eg har fødd deg i dag.

⁸ Be meg, så gjev eg deg folka som arv og heile jorda i eige.

⁹ Du skal knusa dei med jernstav, som ei krukke frå pottemakaren skal du slå dei sund.»

¹⁰Kongar, ver forstandige! lat dykk refsa, de som styrer på jorda.

¹¹Ten HERREN med ærefrykt, gled dykk og skjelv for han!

¹² Kyss jorda, så han ikkje blir harm og de går til grunne på vegen. For hans vreide kan lett flamma opp. Sæle er dei som søkjer tilflukt hos han.