Read nynorsk 2011 Salmane 20 Bible Online

Salmane 20 - nynorsk 2011 bible

Salmane 20

¹Til korleiaren. Ein salme av David.

²Måtte HERREN svara deg den dagen du er i naud! Måtte namnet til Jakobs Gud verna deg.

³Måtte han senda hjelp frå heilagdomen og gje deg støtte frå Sion.

⁴Måtte han minnast alle dine gåver og ta imot ditt brennoffer. Sela

⁵ Måtte han gje deg det hjartet ditt ønskjer, og oppfylla alle dine planar,

⁶så vi kan jubla over di frelse og lyfta banneret i vår Guds namn. Måtte HERREN oppfylla alle dine bøner!

⁷ [30] No veit eg at HERREN bergar den han har salva. Han svarar han frå sin heilage himmel, gjer storverk og frelser med si høgre hand.

⁸ Somme lit på vogner og somme på hestar, vi lit på namnet til HERREN vår Gud.

⁹Dei sig i kne og fell, men vi reiser oss og held oss rake.

¹⁰ [31] HERRE, frels! Måtte kongen svara oss den dagen vi ropar.