Read nynorsk 2011 Salmane 21 Bible Online

Salmane 21 - nynorsk 2011 bible

Salmane 21

¹Til korleiaren. Ein salme av David.

² HERRE! Kongen gler seg over di makt. Høgt jublar han over di frelse.

³ Det hans hjarte ønskte, har du gjeve han, du har ikkje nekta han det hans lepper bad om. Sela

⁴ Du møter og velsignar han med det som godt er, og set ei krone av reint gull på hans hovud.

⁵ Han bad deg om liv, du gav han levedagar som aldri tek slutt.

⁶Stor er hans ære, for du frelser han, høgd og herlegdom gjev du han.

⁷ Frå deg får han evig velsigning, du fyller han med fryd når du er nær.

⁸For kongen set si lit til HERREN. Han vaklar ikkje, for Den høgste er trufast.

⁹Di hand skal nå alle dine fiendar, di høgre hand skal nå dei som hatar deg.

¹⁰ Du gjer dei til ein logande omn når du syner deg. HERREN skal sluka dei i sin vreide og elden eta dei opp.

¹¹ Deira frukt skal du rydda ut frå jorda, deira ætt blant menneskeborna.

¹²Når dei legg vonde planar mot deg og tenkjer på svik, skal dei ikkje lukkast.

¹³Du får dei til å rømma, du spenner bogen mot dei.

¹⁴Ver opphøgd, HERRE, i di makt! Vi vil spela og syngja om dine storverk.