Read nynorsk 2011 Salmane 24 Bible Online

Salmane 24 - nynorsk 2011 bible

Salmane 24

¹Ein salme av David. Jorda og det som fyller henne, høyrer HERREN til, verda og dei som bur der, er hans.

² For han har grunnlagt jorda på havet, grunnfest henne på strøymande vatn.

³ [38] «Kven kan gå opp på HERRENS fjell, kven får stå på hans heilage stad?»

⁴ «Den som har skuldfrie hender og eit reint hjarte, som ikkje lengtar etter løgn og ikkje gjer falsk eid.

⁵ Han blir velsigna av HERREN og får rettferd frå Gud, sin frelsar.»

⁶ [39] «Dette er ei slekt som spør etter han, som søkjer ditt andlet, Jakobs Gud.» Sela

⁷ «Lyft dykkar hovud, de portar, ja, lyft dykk, de eldgamle dører, så kongen, den herlege, kan koma inn!»

⁸ «Kven er då kongen, den herlege?» «HERREN, sterk og mektig, HERREN, mektig i strid.»

⁹«Lyft dykkar hovud, de portar, ja, lyft dykk, de eldgamle dører, så kongen, den herlege, kan koma inn!»

¹⁰«Kven er han då, kongen, den herlege?» «HERREN Sebaot, han er kongen, den herlege.» Sela