Read nynorsk 2011 Salmane 26 Bible Online

Salmane 26 - nynorsk 2011 bible

Salmane 26

¹Av David. Gjev meg min rett, HERRE! For eg har gått fram utan skuld. Eg set mi lit til HERREN og vaklar ikkje.

² Prøv meg, HERRE, gransk meg nøye, prøv hjarte og nyrer som med eld!

³For di miskunn har eg hatt for auge, eg har ferdast i di sanning.

⁴ Eg set meg ikkje med løgnarar og går ikkje inn til falske folk.

⁵Eg hatar forsamlinga av valdsmenn og sit ikkje saman med lovlause.

⁶ Eg vaskar mine hender i uskuld, HERRE, så eg kan gå omkring ditt altar

⁷medan eg lèt mi lovsongsrøyst lyda og fortel om alle dine under.

⁸ HERRE, eg elskar din bustad, staden der din herlegdom bur.

⁹ Riv meg ikkje bort med syndarar så eg mistar livet saman med drapsmenn.

¹⁰ Dei har udåd i hendene, høgre hand er full av stikkpengar.

¹¹Men eg fer fram utan skuld. Løys meg ut og ver meg nådig!

¹² Min fot står på jamn grunn. Der folk samlast, skal eg velsigna HERREN.