Read nynorsk 2011 Salmane 27 Bible Online

Salmane 27 - nynorsk 2011 bible

Salmane 27

¹Av David. HERREN er mitt lys og mi frelse, kven skulle eg ottast? HERREN er eit vern for mitt liv, kven skulle eg frykta?

²Når valdsmenn og fiendar nærmar seg or å sluka meg, då snublar dei og fell dei sjølve.

³ Om ein hær vil slå leir mot meg, er mitt hjarte utan frykt. Om krigen trugar, endå er eg trygg.

⁴ Eitt bed eg HERREN om, dette ønskjer eg: å få bu i HERRENS hus alle mine dagar, så eg kan sjå HERRENS venleik og vera i hans tempel.

⁵ [41] Han gøymer meg i si hytte på den vonde dagen. Han løyner meg i sitt telt. På berget lyfter han meg opp.

⁶No ragar mitt hovud høgt over fienden ikring meg. Med jubel vil eg bera fram offer i hans telt. Eg vil syngja og spela for HERREN.

⁷Høyr, HERRE! Eg ropar høgt. Ver meg nådig og svar meg!

⁸ Eg kjem i hug at du har sagt: «De skal søkja mitt andlet.» Ditt andlet søkjer eg, HERRE.

⁹ Løyn ikkje andletet for meg! Vis ikkje din tenar bort i vreide, du som har vore mi hjelp. Gud, min frelsar, støyt meg ikkje frå deg, forlat meg ikkje.

¹⁰Om far og mor forlèt meg, vil HERREN ta imot meg.

¹¹ HERRE, lær meg din veg og lei meg på jamne stigar, for eg er omgjeven av fiendar.

¹²Gjev meg ikkje over til grådige fiendar! For falske vitne står opp imot meg, menn som trugar med vald.

¹³ [42] Men eg er viss på at eg skal sjå kor god HERREN er, her i livsens land.

¹⁴ Set di von til HERREN! Ver frimodig og sterk, ja, set di von til HERREN!