Read nynorsk 2011 Salmane 28 Bible Online

Salmane 28 - nynorsk 2011 bible

Salmane 28

¹Av David. Til deg, HERRE, ropar eg. Mitt berg, tei ikkje, vend deg ikkje frå meg! Svarar du meg ikkje, blir eg lik dei som har gått i grav.

² Høyr mi bøn når eg ropar til deg om hjelp, når eg lyfter hendene mine mot Det høgheilage i ditt tempel.

³ Riv meg ikkje bort med dei skuldige, med dei som gjer urett. Dei talar venleg med sin neste, men har vondskap i hjartet.

⁴ Gjev dei att for det dei har gjort, for deira vonde handlingar! Gjev dei att for det hendene deira har gjort! Lat dei få det dei fortener!

⁵ For dei kjenner ikkje HERRENS gjerningar, det han gjer med sine hender. Han skal riva dei ned og ikkje byggja dei opp att!

⁶Velsigna er HERREN, for han høyrer mi bøn!

⁷ HERREN er mitt vern og mitt skjold, mitt hjarte sette si lit til han, og eg fekk hjelp. Hjartet jubla, med song vil eg prisa han.

⁸ HERREN er eit vern for sitt folk, ei tilflukt som bergar den han har salva.

⁹ Frels ditt folk og velsigna din eigedom! Ver du deira hyrding og ber dei alltid!