Read nynorsk 2011 Salmane 29 Bible Online

Salmane 29 - nynorsk 2011 bible

Salmane 29

¹[43] Ein salme av David. Gudesøner, gjev HERREN ære! Gjev HERREN ære og makt.

²Gjev HERREN den ære hans namn skal ha, bøy dykk for HERREN i heilag prakt!

³ HERRENS røyst lyder over vatnet, den herlege Gud lèt tora slå, HERREN, over veldige vatn.

⁴ HERRENS røyst lyder med velde, HERRENS røyst lyder med herlegdom.

⁵ HERRENS røyst knekkjer sedrar, HERREN splintrar sedrane på Libanon.

⁶ [44] Han får Libanon-fjellet og Sirjon-fjellet til å hoppa som kalvar og som ville oksar.

⁷ HERRENS røyst spreier logande eld.

⁸ HERRENS røyst får ørkenen til å skjelva, HERREN får Kadesj-ørkenen til å skjelva.

⁹ HERRENS røyst får hindene til å kalva, ho gjer skogane snaue. Alt i hans tempel ropar: «Ære!»

¹⁰ [45] HERREN tronar over himmelhavet, HERREN skal trona som konge for alltid.

¹¹ HERREN gjev folket sitt kraft, HERREN velsignar folket sitt med fred.