Read nynorsk 2011 Salmane 34 Bible Online

Salmane 34 - nynorsk 2011 bible

Salmane 34

¹[51] Av David, då han bar seg som galen hos Abimelek, så han vart jaga bort og gjekk sin veg. Alef א

² [52] Eg vil velsigna HERREN til alle tider, alltid lovsyngja han med min munn. Bet ב

³ Eg er stolt over HERREN, lat dei hjelpelause høyra det og vera glade. Gimel ג

⁴Pris HERREN saman med meg, lat oss æra hans namn! Dalet ד

⁵Eg søkte HERREN, og han svara meg, frå alt som skremde, berga han meg. He ה

⁶Vend blikket mot han og strål av glede, så skal de aldri raudna av skam! Zajin ז

⁷Den hjelpelause ropa, og HERREN høyrde, han frelste han frå alle trengsler. Het ח

⁸ HERRENS engel slår leir rundt dei som ottast han. Han friar dei ut. Tet ט

⁹ Smak og sjå at HERREN er god! Sæl er den som søkjer tilflukt hos han. Jod י

¹⁰ Frykt HERREN, de hans heilage! Dei som ottast han, lid inga naud. Kaf כ

¹¹Unge løver lid naud og svelt; men dei som søkjer HERREN, manglar aldri det som godt er. Lamed ל

¹² Kom hit, born, høyr på meg! Eg vil læra dykk frykt for HERREN. Mem מ

¹³ Er du ein som har glede av livet, som elskar å sjå gode dagar? Nun נ

¹⁴Hald då tunga borte frå det som er vondt, og leppene borte frå svikefull tale. Samek ס

¹⁵ Vend deg bort frå det vonde og gjer det gode. Søk fred og jag etter han! Ajin ע

¹⁶ HERRENS auge følgjer dei rettferdige, hans øyre høyrer deira rop. Pe פ

¹⁷ HERRENS andlet er vendt mot dei som gjer det vonde, han skal utrydda minnet om dei frå jorda. Tsade צ

¹⁸Dei rettferdige ropar, og HERREN høyrer, han bergar dei ut or alle trengsler. Qof ק

¹⁹ HERREN er nær hos dei som har eit sundbrote hjarte, han frelser dei som har ei knust ånd. Resj ר

²⁰Mange ulukker rammar den rettferdige, men HERREN friar han ut av dei alle. Sjin ש

²¹ Han tek vare på kvart bein i hans kropp, ikkje eitt av dei skal brytast. Taw ת

²²Ulukke drep den lovlause, dei som hatar den rettferdige, blir straffa.

²³ Men HERREN bergar livet til sine tenarar, ingen som søkjer tilflukt hos han, blir straffa.