Read nynorsk 2011 Salmane 37 Bible Online

Salmane 37 - nynorsk 2011 bible

Salmane 37

¹[54] Av David. Alef א Bli ikkje sint på valdsmenn, misunn ikkje dei som gjer urett!

² Som graset visnar dei fort, som grøne groen tørkar dei ut. Bet ב

³ Set di lit til HERREN og gjer det gode. Bu i landet og ta vare på truskap!

⁴ Ha di lyst og glede i HERREN, så gjev han deg alt ditt hjarte bed om! Gimel ג

⁵ Legg din veg i HERRENS hand! Set di lit til han, så grip han inn.

⁶ Han lèt di rettferd stiga opp som lyset, din rett som høglys dag. Dalet ד

⁷ Ver still for HERREN og vent på han! Harmast ikkje over den som lukkast med sin veg, den som set i verk vonde planar! He ה

⁸Gjev slepp på vreiden, lat harmen liggja! Bli ikkje arg, det fører til det vonde.

⁹ For valdsmenn skal ryddast ut, men dei som ventar på HERREN, skal arva landet. Waw ו

¹⁰ [55] Om ei lita stund er den lovlause borte. Ser du etter han der han var, er han ikkje der.

¹¹ Men dei hjelpelause skal arva landet og gleda seg over varig fred. Zajin ז

¹² Den urettferdige legg vonde planar mot den rettferdige og skjer tenner mot han.

¹³ Herren ler av han, for han ser at hans dag skal koma. Het ח

¹⁴Dei lovlause dreg sverdet og spenner bogen. Dei vil fella den hjelpelause og fattige, slakta ned den som går på rett veg.

¹⁵ Sverdet skal råka deira eige hjarte, og bogane skal brytast sund. Tet ט

¹⁶ Det vesle den rettferdige eig, er betre enn den store rikdomen til dei urettferdige.

¹⁷For armane på dei urettferdige skal brytast, men HERREN held oppe dei rettferdige. Jod י

¹⁸ HERREN kjenner dagane til dei heilhjarta, deira arv skal vara til evig tid.

¹⁹ Dei blir ikkje til skamme i vonde tider, når det er hungersnaud, får dei eta seg mette. Kaf כ

²⁰ Men dei lovlause går til grunne. HERRENS fiendar blir borte som blomeprakta på marka, dei kverv som røyk. Lamed ל

²¹Den urettferdige låner og gjev ikkje att, den rettferdige er miskunnsam og gåvmild.

²²Dei HERREN velsignar, skal arva landet, dei han forbannar, skal ryddast ut. Mem מ

²³ HERREN gjer mannens steg faste og gleder seg over hans veg.

²⁴ Om han fell, går han ikkje over ende, for HERREN held hans hand. Nun נ

²⁵Ung har eg vore, no er eg gammal, aldri har eg sett ein rettferdig forlaten eller hans born be om brød.

²⁶ Han er alltid miskunnsam og låner ut, hans born blir ei velsigning. Samek ס

²⁷ Vend deg bort frå det vonde og gjer det gode, så skal du bu trygt for alltid.

²⁸For HERREN elskar det som er rett, han forlèt ikkje sine trugne. Ajin ע Dei blir haldne oppe til evig tid, men borna til dei urettferdige blir utrydda.

²⁹Dei rettferdige skal arva landet og alltid få bu i det. Pe פ

³⁰ I munnen til den rettferdige er det visdom, hans tunge talar rett.

³¹ Guds lov er i hans hjarte. Hans fot skal aldri vakla. Tsade צ

³² Den urettferdige vaktar på den rettferdige og prøver å ta hans liv.

³³ HERREN overgjev han ikkje i den urettferdiges hand og dømmer han ikkje skuldig i retten. Qof ק

³⁴ Vent på HERREN og hald deg til hans veg! Han lyfter deg opp så du arvar landet. Du får sjå at dei lovlause blir utrydda. Resj ר

³⁵Eg såg ein lovlaus valdsmann. Han briska seg som ein frodig seder.

³⁶ Sidan kom eg framom, då var han borte! Eg leita, han var ikkje å finna. Sjin ש

³⁷Legg merke til den heilhjarta! Sjå på den rettskafne! Det er framtid for den som skaper fred.

³⁸ Men brotsmenn blir utrydda alle som ein, dei lovlause får si framtid hoggen av. Taw ת

³⁹ Dei rettferdige får si hjelp frå HERREN, han er deira vern i tider med trengsle.

⁴⁰ HERREN hjelper dei og friar dei ut. Han friar dei frå dei urettferdige og frelser dei, for dei søkjer tilflukt hos han.