Read nynorsk 2011 Salmane 39 Bible Online

Salmane 39 - nynorsk 2011 bible

Salmane 39

¹[56] Til korleiaren. For Jedutun. Ein salme av David.

² Eg sa: «Eg vil vakta min veg så eg ikkje syndar med tunga, eg vil setja munnkorg på meg sjølv så lenge lovlause står framfor meg.»

³Eg vart mållaus og still, eg tagde til inga nytte. Mi smerte vart verre.

⁴Hjartet brann inni meg, elden flamma opp medan eg stønna. Eg sa med mi tunge:

⁵«HERRE, lær meg at eg skal døy, kor få og tilmålte mine dagar er, så eg kan skjøna at mitt liv tek slutt.»

⁶ Sjå, ei handfull levedagar har du gjeve meg, mi levetid er som ingenting for deg, kvart menneske er eit pust. Sela

⁷ Som skuggebilete går dei omkring. Fåfengt uroar dei seg. Dei samlar i hop, men veit ikkje kven som skal ha det.

⁸ Men no, Herre, kva skal eg venta på? Berre til deg står mi von.

⁹Fri meg frå alle mine synder! Gjer meg ikkje til spott for dårar!

¹⁰Eg teier. Eg lèt ikkje opp munnen, for dette er ditt verk.

¹¹Ta bort den plaga du la på meg! Eg går til grunne når du slår med di hand.

¹²Du refsar og straffar ein mann for hans synd, som møllen ét du det han har kjært. Mennesket er eit pust. Sela

¹³ HERRE, høyr mi bøn og lytt til mitt rop, ver ikkje døv når eg græt! For eg er ein heimlaus hos deg, ein framand som alle mine fedrar.

¹⁴ Vend blikket ifrå meg. Så lyser eg opp før eg går bort og ikkje er meir.