Read nynorsk 2011 Salmane 4 Bible Online

Salmane 4 - nynorsk 2011 bible

Salmane 4

¹[7] Til korleiaren. Med strengespel. Ein salme av David.

²Svar meg når eg ropar, du min rettferds Gud! Du viser meg ein veg ut av nauda. Ver meg nådig og høyr mi bøn!

³De menneske, kor lenge skal mi ære krenkjast? Kor lenge skal de elska det som er tomt og jaga etter løgn? Sela

⁴Vit at HERREN gjer under for den som er trufast mot han. HERREN høyrer når eg ropar til han.

⁵ [8] Skjelv for han og synd ikkje meir. Sei til dykk sjølve når de går til ro: «Ver stille!» Sela

⁶ Ber fram rette offer og set dykkar lit til HERREN!

⁷ [9] Mange seier: Kven kan gje oss lukke? Lat lyset frå ditt andlet skina over oss, HERRE!

⁸Du gjev meg større glede i hjartet enn andre får av mengder med korn og vin.

⁹ I fred vil eg leggja meg ned og sova. For du, HERRE, berre du lèt meg kvila trygt.