Read nynorsk 2011 Salmane 47 Bible Online

Salmane 47 - nynorsk 2011 bible

Salmane 47

¹Til korleiaren. Av Korah-songarane. Ein salme.

² Klapp i hendene, alle folk, lyft jubelrop til Gud!

³ For HERREN, Den høgste, er verd å frykta, ein stor konge over heile jorda.

⁴ Han legg folkeslag under oss, folk legg han under våre føter.

⁵Han vel ut eit land for oss, ein stolt arv for Jakob, som han elskar. Sela

⁶ Gud stig opp til jubelrop, HERREN stig opp medan horna gjallar.

⁷Syng for Gud, ja, syng og spel, syng og spel for vår konge!

⁸For Gud er konge over heile jorda. Syng ein song som gjer vis!

⁹ Gud er konge over folka, Gud har sett seg på si heilage trone.

¹⁰ Fyrstane over folka samlast, krigsfolket til Abrahams Gud. For skjolda på jorda høyrer Gud til, han er opphøgd over alle.