Read nynorsk 2011 Salmane 48 Bible Online

Salmane 48 - nynorsk 2011 bible

Salmane 48

¹Ein song. Ein salme. Av Korah-songarane.

² Stor er HERREN og verdig lov og pris i vår Guds by, på hans heilage fjell.

³ Fagert og høgt, ei glede for heile jorda er Sion-fjellet lengst i nord, den store kongens by.

⁴ I byens borger gjev Gud seg til kjenne, han er vårt vern.

⁵ For kongane slo seg saman og drog fram i fylking.

⁶Dei såg opp og vart skremde, dei rømde i redsle.

⁷Redsle kom over dei så dei skalv, rier som hos ei fødande kvinne,

⁸ [68] som når austavind knuser Tarsis-skip.

⁹Det vi før høyrde, har vi no sett i byen til HERREN Sebaot, i byen til vår Gud. Gud held han oppe til evig tid. Sela

¹⁰I ditt tempel, Gud, tenkjer vi på di miskunn.

¹¹ Gud, der ditt namn er kjent, får du lovsong, heilt til endane av jorda. Di høgre hand er full av rettferd.

¹² [69] Sion-fjellet skal gleda seg og Judas døtrer jubla over dine dommar.

¹³Gå rundt Sion, gå heilt omkring, tel tårna i byen,

¹⁴legg merke til vollane, gå gjennom borgene. Fortel så til den slekta som kjem:

¹⁵ [70] Slik er Gud, vår Gud for evig. Han skal føra oss ut over døden.