Read nynorsk 2011 Salmane 53 Bible Online

Salmane 53 - nynorsk 2011 bible

Salmane 53

¹[76] Til korleiaren. Etter «Mahalat». Ein læresalme. Av David.

²Dårane seier i hjartet: «Det finst ingen Gud.» Vond og avskyeleg er deira urett, det finst ingen som gjer det gode.

³Frå himmelen ser Gud ned til menneska for å sjå om det finst nokon som er vis, nokon som søkjer Gud.

⁴Alle har trekt seg unna, alle som ein er forderva. Det finst ingen som gjer det gode, ikkje ein einaste.

⁵Skjønar dei då ingen ting, dei som gjer urett? Dei et opp folket mitt som om dei et brød, og kallar ikkje på Gud.

⁶Då skal dei råkast av redsle, dei som aldri var redde. For Gud skal strø ut beina av dei som slår leir mot deg. Dei blir til skamme, for Gud har vraka dei.

⁷Måtte frelse koma til Israel frå Sion! Når Gud vender lagnaden for sitt folk, skal Jakob jubla og Israel gleda seg.