Read nynorsk 2011 Salmane 58 Bible Online

Salmane 58 - nynorsk 2011 bible

Salmane 58

¹Til korleiaren. «Øydelegg ikkje!» Ein miktam. Av David.

² Talar de verkeleg rett, de mektige? Dømmer de rettferdig, de menneske?

³Nei, frå hjartet ber de fram urett på jorda, med hendene spreier de vald.

⁴ Frå fødselen av er dei urettferdige på avvegar, heilt frå mors liv fer løgnarane vill.

⁵ Deira gift er som ormegift, dei liknar ein orm som er døv, han lèt att øyra

⁶og høyrer ikkje på han som kviskrar, på han som er kunnig til å mana.

⁷ Gud, knus tennene i deira munn, HERRE, bryt tanngarden sund på løvene!

⁸Lat dei kverva slik vatn renn vekk! Lat dei berre spenna bogen, pilene er utan kraft.

⁹Lat dei bli lik snigelen som løyser seg opp i slim, lik den dødfødde som aldri såg sola.

¹⁰Før grytene kjenner varmen frå tornekvistene, blæs han dei bort, dei friske som dei brennande.

¹¹Den rettferdige skal gleda seg når han ser at han får hemn. Han skal vaska føtene i blodet av dei urettferdige.

¹² Då skal menneska seia: «Ja, den rettferdige får si løn. Det finst ein Gud som dømmer på jorda.»