Read nynorsk 2011 Salmane 62 Bible Online

Salmane 62 - nynorsk 2011 bible

Salmane 62

¹[85] Til korleiaren. Etter Jedutun. Ein salme av David.

² Berre hos Gud er eg stille, frå han kjem mi frelse.

³ Berre han er mitt berg og mi frelse og mitt vern, eg skal ikkje vakla.

⁴Kor lenge kan de alle gå laus på ein mann for å slå han i hel? Han er då ein lutande vegg, ein nedbroten mur.

⁵ Dei legg planar om å støyta han ned, ned frå hans høgd, dei elskar svik. Dei velsignar med munnen, men inst inne forbannar dei. Sela

⁶ Berre hos Gud skal eg vera still, frå han kjem mi von.

⁷Berre han er mitt berg og mi frelse og mitt vern, eg skal ikkje vakla.

⁸Hos Gud er mi frelse og mi ære. Mitt mektige berg, mi tilflukt er hos Gud.

⁹ Lit alltid på han, de folk, aus ut dykkar hjarte for han! Gud er vår tilflukt. Sela

¹⁰ Småfolk er berre ein pust, stormenn er ei løgn, på vektskåla vippar dei opp, lettare enn eit vindpust er dei alle.

¹¹ Set ikkje lit til vald, ha ikkje fåfengd von til rov! Om rikdomen aukar, lat deg ikkje merka med det!

¹²Éin gong har Gud tala, to ting har eg høyrt: at makta tilhøyrer Gud,

¹³ og at all miskunn, HERRE, høyrer deg til. Du løner kvar og ein etter det han har gjort.