Read nynorsk 2011 Salmane 63 Bible Online

Salmane 63 - nynorsk 2011 bible

Salmane 63

¹Ein salme av David, då han var i Juda-ørkenen.

² Gud, du er min Gud, som eg søkjer. Mi sjel tørstar etter deg, min kropp lengtar etter deg i eit vasslaust, tørt og utarma land.

³ I heilagdomen skoda eg deg, eg såg di makt og din herlegdom.

⁴For di miskunn er betre enn livet. Leppene mine skal syngja din pris.

⁵ Slik vil eg velsigna deg heile mitt liv og lyfta hendene i ditt namn.

⁶ Eg blir metta som med feite retter, med jublande lepper prisar eg deg.

⁷Eg tenkjer på deg der eg ligg og kviler, og grundar på deg gjennom natta.

⁸ For du har vore ei hjelp for meg, eg jublar i skuggen av dine venger.

⁹ Eg held fast ved deg, di høgre hand grip tak i meg.

¹⁰ Men det går ille med dei som står meg etter livet, dei skal fara ned i jordedjupet.

¹¹Dei skal gjevast over til sverdet og bli til rov for sjakalar.

¹² Men kongen skal gleda seg i Gud. Alle som sver ved han, kan vera stolte, for løgnarmunnen blir stoppa.