Read nynorsk 2011 Salmane 64 Bible Online

Salmane 64 - nynorsk 2011 bible

Salmane 64

¹Til korleiaren. Ein salme av David.

²Høyr meg, Gud, når eg bed, vern mitt liv når fienden skremmer!

³Gøym meg for banden av valdsmenn, for hopen av dei som gjer urett.

⁴ Dei kvesser si tunge som eit sverd og siktar inn pilene, dei beiske orda.

⁵Frå bakhald vil dei skyta den skuldlause. Brått skyt dei han, dei er ikkje redde.

⁶ Dei styrkjer kvarandre med vonde ord. Dei talar om å setja snarer og seier: «Ingen vil sjå dei.»

⁷ Dei tenkjer ut vondskap. «No er vi klare, tanken er tenkt, det er store djup i menneskehjartet!»

⁸ Men Gud skyt dei med piler, brått blir dei råka.

⁹Han fører dei til fall, deira eiga tunge rammar dei. Alle som ser dei, blir skaka.

¹⁰Alle menneske blir gripne av frykt. Dei kunngjer Guds verk og skjønar det han har gjort.

¹¹ Den rettferdige gleder seg i HERREN og søkjer tilflukt hos han. Den ærlege av hjartet prisar seg lukkeleg.