Read nynorsk 2011 Salmane 72 Bible Online

Salmane 72 - nynorsk 2011 bible

Salmane 72

¹Av Salomo. Gud, lær kongen å dømma som du, gjev kongssonen di rettferd!

²Han skal dømma ditt folk med rettferd, dine hjelpelause med lov og rett!

³ Fjella skal gje folket fred og haugane bera rettferds frukt.

⁴ Han skal la dei verjelause i folket få sin rett, han skal berga dei fattige. Undertrykkjaren skal han knusa.

⁵ [94] Lat han leva frå slekt til slekt, så lenge sol og måne er til!

⁶ Han skal koma som regn på nyslegen eng, lik ei regnskur som vatnar jorda.

⁷Rettferd skal spira i hans dagar og freden vera stor til månen forgår.

⁸ Han skal styra frå hav til hav, frå Storelva til heimsens endar.

⁹ Dei som bur i ørkenen, skal bøya seg for han, fienden skal slikka støvet.

¹⁰ [95] Kongar frå Tarsis og fjerne strender skal senda skatt til han. Kongane i Saba og Seba skal koma med gåver.

¹¹ Alle kongar skal kasta seg ned for han, alle folkeslag skal tena han.

¹² Han bergar ein fattig som ropar, ein stakkar som ingen hjelper.

¹³Han bryr seg om fattige og veike, han bergar livet til dei fattige.

¹⁴ Han løyser dei frå tvang og vald, deira liv er dyrt i hans auge.

¹⁵Kongen skal leva og få gull frå Saba! Folk skal alltid be for han og velsigna han dagen lang.

¹⁶ Lat kornhaugane bli høge som fjell, grøda bølgja som Libanons skog. Lat byane bløma som graset på marka!

¹⁷ Lat namnet hans leva til evig tid, skyta friske skot så lenge sola er til! Dei skal velsigna seg ved han, alle folk skal prisa han sæl.

¹⁸ Velsigna er HERREN, Israels Gud, han som gjer under, berre han,

¹⁹ og velsigna er hans herlege namn til evig tid! All jorda skal fyllast med hans herlegdom. Amen! Ja, amen!

²⁰Bønene av David, son til Isai, er til ende.