Read nynorsk 2011 Salmane 75 Bible Online

Salmane 75 - nynorsk 2011 bible

Salmane 75

¹[100] Til korleiaren. «Øydelegg ikkje!» Ein salme av Asaf. Ein song.

²Gud, vi prisar og takkar deg. Vi kallar på ditt namn og fortel om dine underfulle verk.

³ «Eg har fastsett ei tid då eg skal halda rettferdig dom.

⁴ Jorda og alle som bur der, kan vakla, men eg har gjort hennar søyler faste.» Sela

⁵ [101] Eg sa til dei som skryter: «Skryt ikkje!» og til dei urettferdige: «Kneis ikkje med horna!

⁶Lyft ikkje horna mot det høge, gjer ikkje nakken bratt og talen frekk!»

⁷For i aust og i vest og i ørkenen er det er ingen som kan reisa opp.

⁸ Men det er Gud som dømmer. Éin bøyer han ned, og éin reiser han opp.

⁹ HERREN har eit beger i handa med skummande, krydra vin. Han skjenkjer i av vinen, og alle urettferdige på jorda må drikka, jamvel botnfallet må dei tømma.

¹⁰Eg vil alltid fortelja om dette, spela og syngja for Jakobs Gud.

¹¹«Eg høgg av kvart horn på dei lovlause, men dei rettferdiges horn skal få kneisa.»