Read nynorsk 2011 Salmane 76 Bible Online

Salmane 76 - nynorsk 2011 bible

Salmane 76

¹Til korleiaren. Med strengespel. Ein salme av Asaf. Ein song.

²Gud er kjend i Juda, hans namn er stort i Israel.

³ [102] I Salem er hans hytte reist, på Sion står hans bustad.

⁴ Der braut han sund lynande piler, krigens våpen, skjold og sverd. Sela

⁵ [103] Du er strålande og herleg, meir enn dei evige fjell.

⁶ Modige menn vart plyndra. Kvar krigar hadde sovna inn, ingen kunne lyfta ei hand.

⁷Hest og ryttar fall i uvit då du truga, Jakobs Gud.

⁸ Du er den som alle må frykta. Kven kan stå for ditt andlet når du blir vreid?

⁹Frå himmelen kunngjorde du din dom. Jorda frykta og tagde

¹⁰ då Gud stod opp for å dømma, for å frelsa alle hjelpelause på jord. Sela

¹¹Sjølv harmen frå menneske blir til lovsong for deg, harmen endar med høgtid.

¹² Gjev lovnader til HERREN dykkar Gud, lat han få det de har lova! Alle omkring han skal koma med gåver til han som dei fryktar.

¹³Han tek motet frå fyrstar, kongane på jorda må frykta han.