Read nynorsk 2011 Salmane 8 Bible Online

Salmane 8 - nynorsk 2011 bible

Salmane 8

¹[12] Til korleiaren. Etter Gittit. Ein salme av David.

² HERRE, vår herre, kor herleg ditt namn er over heile jorda, du som har breidd ut din glans på himmelen!

³ [13] Frå munnen på småborn og spedborn har du reist eit vern mot dei som står imot deg, for å gjera ende på fienden og hemnaren.

⁴Når eg ser din himmel, eit verk av dine fingrar, månen og stjernene som du har sett der,

⁵ kva er då eit menneske — at du hugsar på det, eit menneskebarn — at du tek deg av det?

⁶ [14] Du sette han lite lågare enn Gud og krona han med herlegdom og ære.

⁷ Du sette han til herre over det dine hender har skapt, alt la du under hans føter:

⁸småfe og storfe i samla flokk, dei ville dyra på marka,

⁹fuglane under himmelen og fiskane i havet, alt som ferdast på havsens stigar.

¹⁰ HERRE, vår herre, kor herleg ditt namn er over heile jorda!