Read nynorsk 2011 Salmane 84 Bible Online

Salmane 84 - nynorsk 2011 bible

Salmane 84

¹[123] Til korleiaren. Etter Gittit. Av Korah-songarane. Ein salme.

² Kor elskelege dine bustader er, HERRE Sebaot!

³ [124] Eg lengta, ja, tærtest bort av lengsel etter HERRENS føregardar. No jublar hjarte og kropp mot den levande Gud.

⁴Sporven har funne ein heim, svala har fått seg eit reir der ho kan leggja sine ungar, ved dine altar, HERRE Sebaot, min konge og min Gud.

⁵ Sæle er dei som bur i ditt hus, dei skal alltid lova deg. Sela

⁶ Sæle er dei som har sin styrke i deg, dei som lengtar etter å fara opp til tempelet.

⁷ [125] Når dei fer gjennom dalen med baka-tre, gjer dei han til ei kjelde. Haustregnet legg òg si signing over han.

⁸Dei går frå kraft til kraft, dei stig fram for Gud på Sion.

⁹ HERRE, allhærs Gud, høyr mi bøn, vend øyret til, du Jakobs Gud! Sela

¹⁰ [126] Gud, vårt skjold, vend auga hit, sjå på han du har salva!

¹¹Ja, éin dag i dine føregardar er betre enn tusen andre. Å liggja ved dørstokken til min Guds hus er betre enn å bu i lovlauses telt.

¹² For HERREN Gud er sol og skjold, HERREN gjev nåde og ære. Han held ikkje tilbake det gode for den som er heil i si ferd.

¹³ HERRE Sebaot, sæl er den som set si lit til deg.