Read nynorsk 2011 Salmane 97 Bible Online

Salmane 97 - nynorsk 2011 bible

Salmane 97

¹ HERREN er konge! Jorda skal jubla, fjerne kystar skal gleda seg!

² Sky og mørker er omkring han, rettferd og rett er grunnvoll for hans trone.

³ Eld går framfor han og brenner opp hans motstandarar på alle kantar.

⁴Hans lynglimt lyser opp verda, jorda ser det og skjelv.

⁵ Fjella smeltar som voks for HERREN, for han som er herre over all jorda.

⁶ Himmelen forkynner hans rettferd, alle folka ser hans herlegdom.

⁷ Alle som dyrkar gudebilete og skryter av avgudar, skal bli til skamme. Tilbe han, alle gudar!

⁸ [138] Sion høyrer det og gleder seg, Judas døtrer jublar, HERRE, over dine dommar.

⁹ For du er HERREN, Den høgste over all jorda, høgt er du opphøgd over alle gudar.

¹⁰ Hat det vonde, de som elskar HERREN! Han vaktar sine trugne og friar dei frå urettferdiges hand.

¹¹ Lys bryt fram for den rettferdige og glede for dei ærlege av hjartet.

¹² Gled dykk i HERREN, de rettferdige, lovsyng hans heilage namn!