Read nynorsk 2011 Høgsongen 1 Bible Online

Høgsongen 1 - nynorsk 2011 bible

Høgsongen 1

¹Songen over songane, av Salomo.

² [1] Å, om han ville kyssa meg med kyss av sin munn! Kjærleiken din er betre enn vin.

³Angen av oljane dine er herleg, namnet ditt blir aust ut som olje. Difor likar jentene deg.

⁴Ta meg med! Lat oss springa! Kongen har ført meg inn i sine rom. Lat oss jubla og gleda oss over deg, lat oss prisa din kjærleik høgare enn vin. Med rette likar dei deg.

⁵ [2] Svart er eg, men søt, de Jerusalems døtrer, svart som Kedars telt, som Salomos teltdukar.

⁶ [3] Sjå ikkje på at eg er så svart, at sola har brent meg. Sønene til mor mi var harde mot meg, dei sette meg til å vakta vinmarkene. Mi eiga vinmark har eg ikkje vakta.

⁷Sei meg, du som eg elskar, kvar gjeter du? Kvar kviler du ved middagstid? Kvifor skulle eg gå som ei kvinne med slør der venene dine gjeter sauene?

⁸Om du ikkje veit det, du vakraste av kvinner, følg spora etter flokken og gjet kjea dine innmed gjetarhyttene!

⁹Eg vil likna deg med ei hoppe mellom faraos vogner, mi kjære.

¹⁰Fine er kinna dine mellom perlesnorene, halsen din med kjede rundt.

¹¹Snorer av gull skal vi laga deg, med sølvperler på.

¹² [4] Når kongen er hos meg, angar nardussalven min.

¹³ [5] Kjærasten min er ein myrrakvist, han overnattar mellom brysta mine.

¹⁴ [6] Kjærasten min er ein klase hennablomar på En-Gedis vinmarker.

¹⁵ Så vakker du er, mi kjære! Så vakker du er! Auga dine er duer!

¹⁶Så vakker du er, kjærasten min, så god, og vårt leie så grønt!

¹⁷Sedrar er bjelkar i vårt hus, sypressar er tak og himling.