Read nynorsk 2011 Høgsongen 4 Bible Online

Høgsongen 4 - nynorsk 2011 bible

Høgsongen 4

¹ Så vakker du er, mi kjære! Så vakker du er! Auga dine er duer bak sløret! Håret ditt er som ein geiteflokk, strøymande nedover Gileads fjell.

²Tennene dine er som nyklipte sauer som kjem frå vask. Tvillingar har dei alle, og ingen har mista eit lam.

³Leppene dine er som skarlaksband, og munnen din er herleg. Som ei skive av eit granateple er tinningen bakom sløret.

⁴ Halsen din er som Davidstårnet, mura av hoggen stein. Tusen skjold heng på det, alle rundskjolda til heltane.

⁵ Brysta dine er som to gasellkalvar, tvillingar som beiter mellom liljene.

⁶ Heilt til dagen blæs skuggane bort, går eg til myrrafjellet og til røykjelseshaugen.

⁷ Alt hos deg er vakkert, mi kjære, du er utan feil.

⁸ [7] Kom med meg frå Libanon, kom med meg, mi brur! Stig ned frå toppen av Amana, frå toppen av Senir og Hermon, frå løvehòler, frå leopardfjell.

⁹ Du har fanga mitt hjarte, mi syster, mi brur. Du har fanga mitt hjarte med eit einaste augnekast, med ei einaste lenkje frå din hals.

¹⁰ Så vakker din kjærleik er, mi syster, mi brur! Kjærleiken din er betre enn vin, angen av oljane dine betre enn alle urter!

¹¹ Frå leppene dine dryp finaste honning, mi brur. Honning og mjølk er under di tunge. Angen av kleda dine er som angen frå Libanon.

¹² Ein stengd hage er mi syster, mi brur, ein stengd hage, ei forsegla kjelde.

¹³ [8] Vokstrane dine er ein paradishage av granateple og herleg frukt, hennabuskar og nardusplanter,

¹⁴ [9] nardus, safran, kalmus, kanel og alle slag røykjelsestre, myrra, aloe, alle dei finaste urter.

¹⁵ Du er kjelda i hagen, ei oppkome med levande vatn strøymande frå Libanon.

¹⁶Vakna, nordavind! Kom, sønnavind! Blås gjennom hagen min så urteangen fritt får strøyma. Å, om kjærasten min ville koma til hagen og eta herleg frukt!